«Elorda qūrylys kompaniiasy» jauapkerşılıgı şekteulı serıktestıgı Nūr-Sūltan qalasyndaǧy ūzaqqa sozylǧan üleskerlık qūrylys mäselesın keler jyldyŋ soŋyna deiın tolyqtai şeşuge niettı. Äu bastaǧy jospar boiynşa atalǧan sanatqa jatatyn qūrylys nysandaryndaǧy jūmystar 2023 jyly aiaqtaluy kerek bolǧan.
Al «Elorda qūrylys kompaniiasy» 2023 jyly paidalanuǧa beru josparlanǧan «Anisa 2,3», «Mūnar-2» jäne «Magistralnyi 3» tūrǧyn üi keşenderınıŋ investorlarymen bırlesken ıs-äreket boiynşa kelısımşartqa qol qoidy. Sonymen qatar ekınşı deŋgeilı bankter men investorlar arasynda kelısım jasau arqyly da myŋnan asa üleskerdı baspanamen qamtu josparlanǧan. Joba aiasynda qūrylys kompaniialarymen kelısımdı būzǧan 300-ge juyq üleskerdıŋ qarjysy qaitarylyp, mäselesı şeşıledı.
Negızınen elordadaǧy üleskerlık qūrylys mäselesı köpjyldyq josparǧa sai 2020-2025 jyldarǧa arnalǧan «Nūrly jer» memlekettık baǧdarlamasy aiasynda şeşıluı kerek bolǧan. Būl qūrylys nysandaryndaǧy jūmystardy nūr-sūltan qalasy äkımdıgıne qarasty «Elorda qūrylys kompaniiasy» jauapkerşılıgı şekteulı serıktestıgı qolǧa aldy. Qala äkımdıgınıŋ janynda üleskerlık jäne ūzaqqa sozylǧan qūrylys nysandarynyŋ mäselesımen ainalysatyn vedomstvoaralyq komissiia qūrylǧan. Onda ärbır nysan boiynşa keşendı ıs-şaralar jospary jasalǧan.
2019 jyldyŋ jazynda elordada 50 mäselelı qūrylys nysany bolǧan. 15 myŋnan astam ülesker öz päterıne kıretın kündı asyǧa kütıp jürgen-dı. Sol jyldyŋ soŋynda 10 qūrylys nysanyndaǧy 13 üi paidalanuǧa berılıp, 2,5 myŋnan astam ülesker päter kıltın aldy. Ötken jyly pandemiiaǧa qaramastan 3 myŋ üleskerdıŋ mäselesı şeşılıp, 14 nysandaǧy 20 tūrǧyn üidıŋ qūrylysy aiaqtalǧan bolatyn. Al biyl Nūr-Sūltan qalasy äkımdıgı 18 nysandaǧy 57 tūrǧyn üidı paidalanuǧa berudı josparlap otyr. Nätijesınde 7,5 myŋnan astam üleskerdıŋ mäselesı şeşılmek. Konstitusiia künı qarsaŋynda 225 ülesker özderınıŋ köpten kütken päterlerınıŋ kıltın alyp, qonystoiyn toilady. Qazırgı taŋda 30-ǧa juyq qūrylys alaŋynda tiıstı jūmystar jalǧasuda. 7 tūrǧyn üi keşenındegı 409 üleskerdıŋ mäselesı olardy basqa üige köşırumen şeşıldı. Al «Ümıt bereke» tūrǧyn üi keşenınde 75 üleskerdıŋ qarajaty jeke investordyŋ qarjysy esebınen qaitaryldy.
