«Mereilı otbasy-2017» ūlttyq baiqauynyŋ qalalyq kezeŋı märesıne jettı. Keşe «Astana» konsert zalynda baiqaudyŋ qorytyndysy şyǧarylyp, elorda boiynşa top jarǧan otbasylardy marapattau saltanaty öttı.
Memleket basşysy Nūrsūltan Nazarbaevtyŋ bastamasymen biyl törtınşı jyl qatarynan ūiymdastyrylǧan baiqauǧa astanalyq 61 otbasy ötınış tapsyrdy. Tiıstı komissiia otyrystarynda otbasylar turaly mälımetter jan-jaqty saraptalyp, aşyq dauys beru arqyly jeŋımpaz alty otbasy anyqtaldy.
– Qazaqta «Otan otbasynan bastalady» degen jaqsy söz bar. Qazaq ejelden ata men äjenıŋ ülgı-önegesın körıp östı. Al ondai otbasylarda ösken balalar dästür-saltty berık ūstanyp, şaŋyraq yrys-berekege keneledı. Elbasymyzdyŋ köregen saiasatynyŋ arqasynda qazır elımızde ülgılı otbasylardyŋ sany köbeiıp keledı. Sonyŋ bır jarqyn mysaly – osy «Mereilı otbasy» ūlttyq baiqauy. Qazaqstannyŋ ösıp, güldenuıne de osyndai äuletterdıŋ tigızer yqpaly mol, – degen Astana qalasy äkımınıŋ orynbasary Ermek Amanşaev bırınşı oryn alyp, jülde retınde ekı adamǧa turistık joldamany ielengen Lestegı otbasyn marapattady.
Būl otbasy – 10 bala tärbielep otyrǧan ülgılı otbasy. Ūl-qyzdarynyŋ ärqaisysy bılım, öner, sport salalarynda jetıstıkterge jetken. Al otanasy Marjan
Äliqyzy Elbasynyŋ qolynan «Altyn alqa» tösbelgısın alǧan.Taǧy bır bırınşı oryn iegerı – Bimoldinder otbasy. Būl äulettıŋ ülkenderı Berjan ata men Kenjetai apanyŋ qosylǧanyna 52 jyl tolyp otyr. Tyl ardagerı, 82 jas-taǧy Berjan ata talai jyl Qorǧaljyn öŋırınde qarapaiym eŋbek ettı. Kenjetai apa ekeuı 6 bala tärbielep, olardan 18 nemere körıp otyr. Ūldary men qyzdary, kelınderı men nemerelerınıŋ köbısı äskeri salada nemese qūqyq qorǧau organdarynda abyroily qyzmet etude.
Ekınşı orynǧa jäne tūrmystyq tehnika aluǧa 150 teŋgelık sertifikatqa Aithojinder men Eleusızovter otbasylary ie boldy. Sairan Aithojin – «Aqsūltan» käsıporynyŋ direktory. Öleŋ, äŋgıme jazatyn ol qazırgı taŋda ömırbaiandyq kıtap jazyp jatyr. Otaǧasy bolaşaqta būl eŋbegın «Altyn qalam» baiqauyna tapsyrudy josparlap qoiǧan eken. Osy otbasynda eŋ ülkenı 15 jasta, kışısı 2 jasta jetı bala ösıp keledı. Olardyŋ analary – Ainaş Jünısova «Altyn alqa» iegerı.
Al Aqylbek Eleusızov – «Sembol» firmasynyŋ jūmysşysy. Onyŋ jary Ūljarqyn Serıkbaiqyzy – № 61 orta mekteptıŋ bastauyş synyp mūǧalımı. Ekeuı tört bala ösırıp otyr.
Üşınşı oryndy Qaŋtarbaevtar men «Auylşaruaşylyq üzdıgı» tösbelgısınıŋ iegerı Serıkqazy Baiqoŋyrovtyŋ otbasy ielendı. Olarǧa tūrmystyq tehnika aluǧa 100 myŋ teŋgenıŋ sertifikaty tapsyryldy.
Jüldelerdı qoǧam qairatkerı Orazkül Asanǧazy, QR Prezidentı janyndaǧy otbasy ısterı jäne otbasylyq-demografiialyq saiasat jönındegı ūlttyq komissiia müşesı Saltanat Baiqoşqarova, Astana qalalyq mäslihatynyŋ deputaty Zeinolla Şıbkenov, Astana qalasy qoǧamdyq keŋesı töraǧasynyŋ orynbasary Mūhtar Erketaev, «Astana» telearnasynyŋ bas direktory Läzzat Tanysbai tapsyrdy. «Format» toby, «Naz» bi teatry, özge de önerpazdar jinalǧandardyŋ köŋılın köterdı.
Amanǧali QALJANOV
