Ūlt önerın ūlyqtaǧan
Jarty ǧasyrdan astam halqymyzdy äsem än men kümbırlegen küige bölep kele jatqan «Qazaqkonsert» memlekettık ūiymyna alpys jyl toldy. Keşe ǧana ırgelı ūjym jaŋa mausymyn mereitoilyq baǧdarlamamen aşyp, körermenderge tamaşa keş syilady.
Osyǧan orai Nūr-Sūltan qalasynyŋ äkımı Altai Kölgınov «Qazaqkonsert» memlekettık konserttık ūiymyn 60 jyldyq mereitoiymen qūttyqtady: «60 jyl degenımız — qūrmetke laiyq ülken şyǧarmaşylyq jol. Bügınde tarihy bai «Qazaqkonsert» – elımızdıŋ eŋ ırı muzykalyq ūiymy. Mädeniet pen öner tılı – barşamyzǧa ortaq, tüsınıktı, ämbebap tıl. Mädeniet kez-kelgen memleket pen ūlttyŋ damuyna negız bolǧan. Aldaǧy uaqytta da ūjym mol bılımı men täjıribesın mädeniet salasynyŋ igılıgı jolynda jūmsai bergei. Denderıŋızge saulyq, otbasylaryŋyzǧa amandyq pen baq-bereke, eŋbekterıŋızge tabys tıleimın!» dedı qala basşysy.
Osydan alpys jyl būryn halqymyzdyŋ muzykasy men mūrasyn nasihattau maqsatynda Qazaq KSR Ministrler keŋesınıŋ būiryǧymen qūrylǧan ūiymnyŋ alǧaşqy qūramynda, mädenietımızdıŋ tarihynda esımderı altyn ärıppen jazylǧan Şara Jienqūlova, Jamal Omarova, Jüsıpbek Elebekov, Räbiǧa Esımjanova, Jappas Qalambaev, Güljihan Ǧalieva, Ǧarifolla Qūrmanǧaliev, Roza Baǧlanova, Maǧauiia Hamzin sekıldı daŋqty tūlǧalar eŋbek ettı. Keiın kele olardyŋ qataryn Erkeǧali Rahmadiev, Sara Tynyştyǧūlova, Äzidolla Esqaliev, Sūltanǧali Şükırov, Güljan Talpaqova sekıldı körnektı önerpazdar tolyqtyrdy. Olardyŋ ızın Roza Rymbaeva, Jeŋıs Seidullaūly, Maqpal Jünısova, Aijan Nūrmaǧambetova, Erlan Rysqali, Azamat Jyltyrközov, Möldır Äuelbekova jäne basqa da sahna maitalmandary jalǧady. Osy uaqyt ışınde bıraz asudan asqan ūiym otandyq önerdıŋ ortalyǧyna ainalyp, qanşama talantty tülep ūşyrdy.
2016 jyly «Qazaqkonsertke» Mädeniet jäne sport ministrlıgınıŋ memlekettık ūiymy märtebesı berıldı. Bügınde onda elımızdıŋ üzdık ärtısterı men şyǧarmaşylyq ūjymdary bas qosyp, barlyq muzykalyq önerdıŋ janrlary ūsynylǧan. Şyǧarmaşylyq qūramǧa «Astana sazy» qazaq memlekettık folklorlyq ansamblı, «Forte trio» memlekettık triosy, Qazaq memlekettık simfoniialyq orkestrı, «Astana Musical» memlekettık teatry, estradalyq änşıler men toptar kıredı. Mäselen, «Astana sazy» qazaq memlekettık folklorlyq ansamblı – ata-babamyzdan qalǧan bai mädeni mūra men dästürımızdı tereŋ meŋgerıp, halyq muzykasy arqyly ūlttyq qūndylyqtardy jaŋǧyrtyp jürgen ūjym. Ansambl qūramyndaǧy muzykanttar dombyra, qylqobyz, narqobyz, jetıgen, syrnai, sazsyrnai, sybyzǧy, şerter, daŋǧyra, dabyl, müiız syrnai sekıldı halqymyzdyŋ köne aspaptarynda şeber oinaidy. Qazaq memlekettık simfoniialyq orkestrı de elımızdegı üzdık muzykalyq ūjymnyŋ bırı. Orkestrdıŋ qūramynda jetpıske juyq käsıbi muzykant eŋbek etedı. Olar ärtürlı däuırler men stilderdıŋ tuyndylaryn, halyq änderı men küilerınıŋ öŋdelgen nūsqalaryn oryndaidy. Simfoniialyq orkestr düniejüzıne belgılı dirijerlardyŋ qatysuymen ötetın arnaiy konserttık baǧdarlamalardy ūiymdastyrady. Sondai-aq «Astana Musical» – elımızdegı tūŋǧyş memlekettık miuzikl teatry. Miuzikl – ärtürlı öner janrlaryn bır arnaǧa toǧystyrǧan, muzyka, horeografiia, akterlık şeberlık, akrobatika sekıldı eŋ ozyq ülgılerdı bırıktırgen muzykalyq-sahnalyq qoiylym. Atalǧan teatr QR Tūŋǧyş Prezidentı – Elbasy Nūrsūltan Nazarbaevtyŋ «Jahandaǧy zamanaui qazaqstandyq mädeniet» jobasy aiasynda 2017 jylǧy jeltoqsan aiynda Europanyŋ eŋ ırı bes qalasyn qamtyǧan halyqaralyq gastroldık turne ötkızdı. 2018 jyly «Astana Musical» älem teatrlarynyŋ öner alaŋyna ainalǧan «Avinon» halyqaralyq teatr festivalıne qatysty.
Joǧaryda aitqan mereitoilyq keşte «Qazaqkonsert» ūiymynyŋ direktory Jeŋıs Seidullaūly: «Būl – 60 jyldan berı öner süier qauymnyŋ jansaraiyn äsem äuenmen jadyratyp jürgen kielı qaraşaŋyraq tartu etetın jaŋa jobalardyŋ bastamasy ǧana» dep aitypty. Qysqasy, mereitoilyq jyldyŋ aiasynda körermender onlain jäne dästürlı formatta jaŋa konserttık baǧdarlama, premera jäne tyŋ jobalarmen qauyşpaq.