14 qazanda saǧat 16.00-de QR Ūlttyq muzeiı ǧimaratynda ornalasqan «Astana» ūlttyq suret galereiasynda el Täuelsızdıgınıŋ 25 jyldyǧyna arnalǧan «Ūly dala mūrasy» atty sändık-qoldanbaly öner tuyndylarynyŋ körmesı aşylady.
Körmege Qazaqstan qolönerşılerınıŋ bylǧarydan, aǧaştan, süiekten jäne kiızden jasalǧan jūmystary men zergerlık būiymdar qoiylady. Sondai-aq, körme qonaqtary üşın sändık-qoldanbaly önerdıŋ ärtürlı janrlary boiynşa şeberlık sabaqtary ūiymdastyrylady.
Yqylym zamannan berı qazaq halqymen bırge jasap kele jatqan qolönerdı nasihattau, ūlttyq mūrany ūlyqtau, öskeleŋ ūrpaqqa ruhani tärbie beru maqsatynda aşylatyn körmenıŋ Ūly dalamyzdyŋ tarihymen, mädenietımen tıkelei bailanysy bar. Qysqa qaiyryp aitqanda, körmede sonyŋ bärı paş etılmek.
Amanǧali QALJANOV
