Ūlttyq muzeide suretşı, «Semei-Nevada» antiiadrolyq qozǧalysynyŋ belsendı müşesı Kärıpbek Küiıkovtıŋ körmesı öttı
Suretşınıŋ tuyndylarymen alys, jaqyn şetel tanys ekenın aita keteiık. Onyŋ qorjynynda 200-den astam suret bar.
Kärıpbek Küiıkov – Semei iadrolyq poligonynyŋ zardabyn şekken adam. Poligonmen şekaralas Qaraǧandy oblysynyŋ Egındıbūlaq auylynda düniege kelgen ol tuǧanynan taǧdyrdyŋ tauqymetın tartty. Qos qolsyz tuǧan balany tört jasynda äkesı Teltai Şymkenttegı protez jasau institutyna, keiınnen Sankt-Peterburgke aparady. Aqyrynda Neva jaǧasyndaǧy qalada oquǧa qalǧan Kärıpbek sol jerde beineleu önerıne äues bolyp, surettı aiaǧymen nemese tısımen sala bastaidy.
Suretşı köp şyǧarmaşylyq adamdary siiaqty taqyrypty alystan ızdemei, öz basynan ötken qasırettı beineleidı. Iаǧni, salǧan suretterınde iadrolyq synaqtardyŋ barlyq zalalyn aşuǧa tyrysady. Onyŋ «Jarylys» atty kartinasyn biyl ötken antiiadrolyq qauıpsızdık jönındegı sammit barysynda Elbasy Nūrsūltan Nazarbaev AQŞ prezidentı Barak Obamaǧa syiǧa tartqan. Kärıpbek Küiıkovtıŋ özı halyqaralyq antiiadrolyq qozǧalystyŋ belsendı müşesı, «Atom» jobasynyŋ qūrmettı elşısı ekenın aita keteiık. Iаdrolyq synaqtarǧa qarsylyǧyn ol önerı arqyly tanytady.
– Nūrsūltan Nazarbaev suretımdı Barak Obamaǧa syiǧa tartty degende erekşe äserge bölendım. Şyndyǧyn aitqanda, ony kütpegen edım. Būl tuyndymda men iadrolyq bomba jyrylysyn körgen özımnıŋ äkemdı beineledım. Osy suret menıŋ ǧana emes, Qazaqstan halqynyŋ ūstanymyn körsetedı dep oilaimyn. Bügınderı poligon taqyrybynan bölek peizaj, avtoportret syndy janrlaryndaǧy suretterdı de salamyn. Menı äleumettık taqyryptar, sonyŋ ışınde qazırgı jastardyŋ tärbiesı alaŋdatady. Bır maqsatym – tuyndylarym arqyly solarǧa oi salu, – deidı Kärıpbek Küiıkov.
Būǧan deiın qazaq suretşısınıŋ körmelerı Hirosima men Nagasakide, Niu-Iorkte, «Menıŋ sızderdı qūşaqtaityn jüregım bar» degen atpen Osloda jäne Germaniia, Türkiia, Avstriia, Gollandiia elderınde ötken. Onyŋ önerın BŪŪ jäne basqa da halyqaralyq ūiymdar öte joǧary baǧalady. Suretşınıŋ tuyndylary Astanadaǧy jūrttyŋ nazaryna alǧaş ret QR Ūlttyq akademiialyq kıtaphanada ötken körmede şyǧarylǧan.
Amanǧali QALJANOV