QR Ūlttyq muzeiınde ūly Jeŋıstıŋ 72 jyldyǧyna arnalǧan äskeri-tarihi minidiarama körsetılıp, «Ūly Otan soǧysyndaǧy qazaqstandyqtar» jäne «Ūly Otan soǧysynyŋ batyrlary – H. Dospanova, M. Mämetova, T. Bigeldinov», «Ä.Nūrşaiyqovtyŋ tuǧanyna 95 jyl» atty qos körme aşyldy.
Äskeri-tarihi miniatiuralar türınde berılgen şaǧyn diaramalardy atalmyş muzeidıŋ «Qazaqstan tarihy» bölımınıŋ qyzmetkerı Serık Äbdırahmanov jasady. «Ūly Jeŋısımızdı ūmytpaitynymyz sekıldı, soǧys salǧan qasıret te, sol soǧysqa qatysqan jauyngerler de eşqaşan ūmytylmaq emes. Olardyŋ erlıgı bügıngı äsker sapyndaǧy jauyngerlerdı jıgerlendıretını sözsız. Uaqyt özgerıp, zamandar almasady. Alaida Jeŋıs künı aldaǧy talai ūrpaqtyŋ merekesı bolyp qala beretınıne senımdımın. Al muzeidegı bügıngı şarany elımızde alda toilanatyn ülken merekenıŋ basy dep bılem» dedı Ūlttyq muzei direktorynyŋ orynbasary Leonid Kochetov.
Şara qonaqtary QR Ūlttyq muzei qorynan alynǧan Ūly Otan soǧysy taqyrybyndaǧy jädıgerlermen, jeke zattarmen, fotoqūjattarmen, qazaqstandyq batyrlarǧa arnalǧan kıtaptarmen tanysty. Solardyŋ bırı – «Ardagerler ūiymy» respublikalyq qoǧamdyq bırlestıgı töraǧasynyŋ bırınşı orynbasary Ömırzaq Ozǧanbaev boldy. «Ūldy äkesınen, qyzdy şeşesınen, ınını aǧadan, jardy jūbaiynan aiyrǧan būl soǧystyŋ qasıretı tym auyr. El basyna kün tuǧanda azamattarymyzben qosa qazaq qyzdary da qolyna qaru aldy. Osylai bızdıŋ qaisar qyzdarymyz jaqsy jar, ardaqty ana ǧana emes, el qorǧauşy batyr bola alatynyn da däleldegen edı. Bügıngı körme bız ardaq tūtatyn osy batyrlarymyzdyŋ ömırınen habar beredı. Ol qasırettı tolyqtai sezındırmese de, bügıngı jastardyŋ ruhyn oiatuǧa arnalǧan igı şara» dedı ol.
Ekınşı düniejüzılık soǧys jyldarynda qazaqstandyq batyrlardyŋ erlıgı turaly baspasöz betterınde jiı jazylatyn. Būl taqyrypty filologiia ǧylymdarynyŋ doktory Serık Tahan qozǧady. Onyŋ aituynşa, belgılı orys jazuşysy Boris Polevoi soǧys jyldarynda «Pravda» gazetınıŋ tılşısı bolǧan. Sol kezde atalmyş gazetke 1943 jyly Keŋes Odaǧynyŋ Batyry Mälık Ǧabdullin turaly maqala jazǧan. Sondai-aq, Nūrken Äbdırov, Mänşük Mämetova, Hiuaz Dospanova syndy köptegen qazaq maidangerlerı jönınde ocherkter de erlıkterı suymai jatyp jaryq körgen. Ǧalym solardyŋ bırazy körmeden körınıs tapqanyna marqaidy. Atalmyş şarany QR Ūlttyq muzeiınıŋ «Qazaqstan tarihy» bölımınıŋ ǧylymi kıtaphana jäne ekpozisiialyq körme qyzmetı ūiymdastyrǧanyn aita keteiık.
