Keşe Astanadaǧy Ūlttyq akademiialyq kıtaphanada «ULYS» dep atalatyn Qazaqstandaǧy alǧaşqy sifrlyq jurnaldyŋ tūsauy kesıldı. Saraptamalyq, tanymdyq baǧyttaǧy basylym Ortalyq Aziia men tuysqan türkı düniesıne ortaq basylymǧa ainalmaq. Onda şyǧatyn maqalalar da säikes tılde basylady. Ūlt ūstazy Ahmet Baitūrsynūlynyŋ tuǧan künıne orailastyrylyp, oqyrmanǧa jol tartqan jurnaldyŋ qūryltaişysy ärı bas redaktory – jurnalist Erjan Qalymbaiūly.
Qazırgı aqparat tasqyny zamanynda köşten qalmai, alǧa jyljuymyz kerek. Şetelderde sifrlyq jurnaldy şyǧaru osydan on şaqty jyl būryn qolǧa alyndy. Oqyrmandardyŋ sūranysy bügınderı osyndai bop tūr. Köbımız qazır qolda bar qūraldar arqyly aqparat alatynymyz da şyndyq. Basylymdy tanystyrǧan bas redaktordyŋ aituynşa, olar Ahmet Baitūrsynūlynyŋ «El bügınşıl, menıkı erteŋgı üşın» degen sözın ūran etıp, sapaly jäne qoljetımdı saraptamalardy ūsynbaq.
«Äleumettık jelıde köbınese jeŋıl-jelpı aqparattar şyǧyp jatady. Bıraq ärqaşanda intellektualdy materialdar sūranysqa ie. Olardyŋ oqyrmandary köp emes. Ärine, jaŋa jurnal oqyrmandarynyŋ köp boluyn tıleimız. Eŋ bastysy, būl oiǧa jeteleitın, el qyzyǧyp oqityn, tek jaŋalyqtardy taratpaityn basylym bolyp, jan-jaqty täjıribesı bar, öz ısınıŋ naǧyz mamandary avtor retınde tartylsa deimız» dedı saiasattanuşy Berık Äbdıǧaliūly.
L.Gumilev atyndaǧy Euraziia ūlttyq universitetınıŋ «Jurnalistika jäne saiasattanu» fakultetınıŋ dekany Qairat Saq sifrlyq jurnaldy şyǧarudy bügıngı zamannyŋ aqparattyq tehnologiiasynyŋ ūlttyq müddege qyzmet etuıne balaitynyn jetkızdı. «Qazırgı aqparat zamanynda aqparattyq täuelsızdık, aqparattyq qauıpsızdık – öte özektı mäsele. Bız aqparattyq qauıpsızdıkten ūtylyp jatyrmyz. Aqparattyq bäsekede älemmen teŋesu üşın jaŋa zamanǧa sai jurnal şyǧaryp, osyndai qadamdar jasauymyz kerek. Bastysy elge, ūltqa qyzmet jasauymyz tiıs» dedı ol.
