Baspasöz, radio jäne internet jurnalistika salasyna arnalǧan «Ürker-2018» ūlttyq syilyǧyna ötınış qabyldau bastaldy. Baiqaudyŋ jeŋımpazdary 28 mausymda anyqtalady. Būl turaly Ortalyq kommunikasiialar qyzmetınde ötken brifingte QR Aqparat jäne kommunikasiialar vise-ministrı Nūrgül Mauberlinova mälımdedı.
Ötken jyly QR Aqparat jäne kommunikasiialar ministrlıgı «Tūmar» jäne «Ürker» ūlttyq syilyqtaryn taǧaiyndaǧan. Biyl nauryz aiynda ötken «Tūmar» ūlttyq syilyǧy qazaq televiziiasynyŋ 60 jyldyǧyna arnalǧan edı. Al osy jylǧy «Ürker» syilyǧyn ministrlık «Qazaq» gazetınıŋ 105 jyldyǧyna arnap otyr eken. Būl Alaş mūratyn köksegen qazaq gazetınıŋ qazaq jurnalistikasy tarihyndaǧy maŋyzyn erekşe körsetu maqsatynan tuǧany anyq.
Sonymen «Ürker» baiqauyna ötınışterdı qabyldau 10 mamyrdan 10 mausymǧa deiın jalǧaspaq. On üş adamnan tūratyn qazylar alqasynyŋ qūramynda qoǧam qairatkerlerı, sarapşylar, jurnalister, media-menedjerler bar.
Vise-ministrdıŋ aituynşa, baiqau 12 nominasiiadan tūrady. Olar: 1) üzdık fotosuret; 2) üzdık reportaj; 3) üzdık saraptamalyq material; 4) üzdık jurnalistık zertteu;
5) üzdık sūhbat; 6) Qazaqstan turaly üzdık tanymdyq material; 7) üzdık halyqaralyq taldamaly material; 8) üzdık öŋırlık radiostansa; 9) üzdık öŋırlık merzımdı basylym; 10) üzdık qazaqstandyq radiostansiia; 11) üzdık internet-basylym; 12) üzdık respublikalyq merzımdı basylym.
Oǧan qosa taǧy 13 nominasiia boiynşa jülde berılmekşı. Būl qosymşa jüldeler baiqauǧa kelıp tüsken materialdardy ırıkteu barysynda engızıletın bolady.
«Ürker» baiqauynyŋ jülde qory – 13 mln teŋge. Vise-ministr mälımdegendei, är nominasiia jeŋımpazyna 1 mln teŋgeden berılmek.
Baiqauǧa qatysu üşın el.kz saityna ötınış jıberuge bolady.
