1 qaraşadan bastap elımızdegı üş avtokölık joly: Astana–Temırtau, Almaty–Qapşaǧai, Almaty–Qorǧas joly aqyly bolady. Būl jaŋalyqty keşe Mäjılıstegı ükımet saǧatynda İnvestisiialar jäne damu ministrı Jeŋıs Qasymbek jariia ettı.
Ministr üş uchaskenıŋ eksperiment retınde aqyly tärtıpke köşırılgenın aitty. «Atalǧan üş uchaske 1 qaraşadan bastap aqyly bolady. Aldaǧy uaqytta respublikalyq maŋyzy bar 11 myŋ şaqyrymǧa juyq tasjoldar da osy tärtıpke auysady. Sonyŋ esebınen 23 myŋ şaqyrymǧa sozylatyn respublikalyq joldardy kütıp ūstaimyz. Iаǧni biudjetten oǧan eşqandai aqşa bölınbeidı» dep tüsındırdı J.Qasymbek.
Aitpaqşy, tasjoldarǧa jaqyn ornalasqan eldı mekenderdıŋ tūrǧyndary aqyly jolmen jürgenı üşın jylyna 1000 teŋge töleidı. Biyl Astana–Pavlodar baǧytyndaǧy ülken tasjol da paidalanuǧa berıledı. Osy joldyŋ 100 şaqyrymy ekı jolaqty bolady. Onyŋ qūrylysy 2019 jyly aiaqtalady, al aqyly tärtıp 2020 jyly engızıledı. Deputattardyŋ aldynda Jeŋıs Qasymbek dollar baǧamynyŋ sekıruı joldardyŋ qūrylysyna aitarlyqtai äser etpeitının jetkızdı. «Öitkenı bız qazır qūrylysqa paidalanatyn materialdardyŋ 95 paiyzy özımızde şyǧarylady. Osydan 2-3 jyl būryn teŋge baǧamynyŋ özgeruı qūrylys pen jöndeu jūmystaryna aitarlyqtai äser etken joq. Būl joly da solai bolady» dedı ministr.
