Keşe QR Ūlttyq muzeiınde Premer-ministrdıŋ orynbasary Berdıbek Saparbaevtyŋ qatysuymen «Mäŋgılık el» triptihynyŋ tanystyrylymy öttı. Bırtūtas kompozisiiany qūraityn üş surette Qazaq handyǧynyŋ negızın saluşy Kerei men Jänıbek handar, Täuke hannyŋ «Jetı jarǧy» zaŋdar jinaǧyn qabyldau sätı jäne Qazaqstan Respublikasynyŋ tūŋǧyş Prezidentı Nūrsūltan Nazarbaev beinelengen.
– Biyl bız Qazaq handyǧynyŋ 550 jyldyǧyn atap ötemız. Osy aituly dataǧa bailanysty jyl soŋyna deiın elımızdıŋ tükpır-tükpırınde 200-den astam ıs-şara ötedı. Mereke Astanada 11 qyrküiekte toilanyp, 9 qazanda Taraz qalasynda jalǧasatyn bolady», – dep atap ötken Berdıbek Saparbaev memlekettılıgımızdıŋ negızderıne, Elbasynyŋ täuelsız elımızdıŋ damuyna sıŋırıp kele jatqan eŋbegıne toqtaldy.
Belgılı suretşı, QR Eŋbek sıŋırgen qairatkerı Erbolat Tölepbai bastaǧan şyǧarmaşylyq ūjym Qazaq handyǧynyŋ qūrylu jyldarynan bastap, Täuke hannyŋ tūsyndaǧy eldıgımızdıŋ küşeigen kezeŋın qamtyǧan. Keşegı künderdı bügınmen ündestırıp, Ūlt köşbasşysy Nūrsūltan Nazarbaev beinesı arqyly bolaşaqqa qaryşty qadam basqan qazırgı Qazaqstandy keskındegen.
Jalpy, triptihty bes suretşı bırıgıp salǧan. Solardyŋ bırı Qazaqbai Äjıbekūly būl jūmys oŋaiǧa tüspegenın aitady. «Erbolat Tölepbaiūlynyŋ jetekşılıgımen Aǧymsaly Düzelhanov, Aidar Jamhanūly jäne Aidos Şahmardanūly barlyǧymyz osy suretterdı saluǧa on bes jyldy jūmsadyq. Būl bır künde jasalatyn dünie emes. Aldymen tarihymyzdy jasaǧan tūlǧalarymyzdy anyqtap, solardyŋ etken eŋbegın zerttedık. Jasyratyny joq, qarjylyq jaǧynan da qiyndyqtar boldy. Alaida, sonşama jylǧy eŋbegımız zaia ketken joq dep oilaimyz. Onyŋ nätijesın bügın körıp otyrsyzdar. Elbasyǧa da suretterdı körsetıp, onyŋ oŋ baǧasyn alǧan edık» deidı ol.
P.S. Atalmyş tuyndy marqūm Bekseiıt Tülkievtıŋ «Ūly köş» kartinasyn erıksız eske salady. Onda Nūrsūltan Nazarbaev bastaǧan 89 tūlǧamyz beinelengen. Bızge sol suret äserlırek körınedı…
Amanǧali QALJANOV
