Nūr-Sūltan qalasy mäslihaty komissiiasynyŋ kezektı otyrysynda 2020-2022 jyldarǧa arnalǧan biudjetı jobasy qaraldy. Mäslihat deputattary qalanyŋ bılım, mädeniet jäne sport, densaulyq, jūmyspen qamtu jäne äleumettık qorǧau, tılderdı damytu jäne mūraǧat ısı basqarmalaryna qarajat böludı qarastyrdy.
Tūraqty komissiianyŋ otyrysynda Nūr-Sūltan qalasynyŋ Strategiialyq jäne biudjettık josparlau basqarmasy basşysy Qaisar Maŋqaraev baiandamasynda aitylǧan körsetkışterge süiensek, 2020-2022 jyldary 2,7 trillion teŋge invistisiia tartu közdelgen. Sonyŋ nätijesınde tört million şarşy metr tūrǧyn üidı, bır million şarşy metr kommersiialyq alaŋdy paidalanuǧa beru josparlanuda. «Ekonomikanyŋ servistık sektorlarynda 60 myŋǧa juyq jūmys ornyn qūru josparlanǧan. Ortaşa jalaqy 2018 jylǧy 240 myŋ teŋgeden 2020 jyly 250 myŋ teŋgege deiın, al i2022 jyly 280 myŋ teŋgege ösuı qamtamasyz etıledı. Osylaişa, eŋbek qory 2018 jyly 1 trillion 360 milliard teŋgeden 2020 jyly 1 trillion 512 milliard teŋgege deiın, 2022 jylǧa deiın 1 trillion 785 milliard teŋgege deiın artady» dedı Qaisar Manqaraev.
Bılım basqarmasy basşysynyŋ mındetın atqaruşy Güljan Aitjanovanyŋ aituynşa, 214 jeke menşık jäne 94 memlekettık balabaqşa üşın, sondai-aq memlekettık jäne jeke menşık mektepter üşın memlekettık tapsyrysty ornalastyruǧa biudjetten tolyq kölemde qoldau körsetılgen. Joǧary oqu oryndaryna qarajat bölıngen. «Kelesı jyly qarjylandyrudyŋ jalpy somasy 114,9 mlrd teŋgenı qūrady, onyŋ 33,7 mlrd teŋgesı respublikalyq biudjetten bölındı» dedı ol.
Sondai-aq basqarmaǧa 5 bılım beru mekemesın kürdelı jöndeuge de 1 mlrd teŋge kölemınde qarajat közdelgenın de atap öttı. Būl nysandar boiynşa memlekettık saraptamasy bar jobalyq-smetalyq qūjattama äzırlengen. Būdan basqa, jūmys smetasy jasalǧan balabaqşalardaǧy şaǧyn säulet nysandaryn auystyruǧa jäne jöndeuge qarajat bölınedı. «Bügıngı künı balabaqşalarǧa 10 myŋ orynǧa qajettılık bar, bıraq balalardyŋ qatysuyn tabeldeudıŋ elektrondyq jüiesın engızumen biylǧy jyly 214 mln teŋgege juyq qarajat ünemdeldı. Osynyŋ esebınen bız memlekettık tapsyrysty köp orynǧa ornalastyra alamyz» dedı Güljan Aitjanova.
Mädeniet jäne sport basqarmasynyŋ basşysy Nūrlan Sydyqov qosymşa qarjylandyrudy qajet etetın mäselelerge erekşe nazar audardy. Aitalyq, keler jyly Jeŋıstıŋ 75 jyldyǧyn merekeleu aiasynda Otan qorǧauşylar monumentın jöndeu, būdan basqa, Triumfaldy arkanyŋ jerasty ötkelın, qalalyq kıtaphanalardy jäne «Jastar» teatry ǧimaratyn qaita jaŋartu jūmystaryn jürgızuge qarajat josparlanǧanyn habarlady. «Taǧy bır qaralatyn mäsele kelesı jyly Q.Quanyşbaev teatrynyŋ jaŋa ǧimaraty aşyluyna bailanysty jaŋa qoiylymdar kerek. Sol qoiylymdarǧa qosymşa qarajat bölu qajet» dedı ol.
Halyq qalaulylary Mädeniet jäne sport basqarmasyna tūrǧyn üi laptarynda būqaralyq sportty damytuǧa köŋıl böludı, sondai-aq mümkındıgı şekteulı adamdardyŋ basseinderge baruyna qolaily jaǧdailar jasau üşın nūsqalardy äzırleudı ūsyndy. Sondai-aq Mädeniet jäne sport basqarmasyna jūmys josparyn, biudjettık ötınımdı daiyndap Strategiialyq jäne biudjettık josparlau basqarmasyna ūsynudy tapsyrdy.
Nūr-Sūltan qalasy Qoǧamdyq densaulyq saqtau basqarmasynyŋ basşysy Säule Qisyqova elordalyq medisinalyq mekemelerde barlyq sany 1 139 564 adam tırkelgenın, biyl medisina salasynyŋ 2087 qyzmetkerı bılıktılıktı arttyru kurstarynan ötkenın, būl maqsatta 208 mln teŋge qarjy jūmsalǧanyn atap öttı. Jyl soŋyna deiın basqarma biudjetınde 18 mln teŋge qarjy bar. Densaulyq saqtau basqarmasynyŋ 3 jylǧa arnalǧan biudjettık jospary boiynşa 20 mlrd 986 mln teŋge kölemınde qarajat qarastyrylǧan. Onyŋ ışınde 2020 jylǧa 5 mlrd 586 mln teŋge josparlanuda.
«Tūrǧyndarynyŋ insult jaǧdaiynda medisinalyq kömek körsetu jäne qoljetımdılıktı jaqsartu üşın qosymşa 4 insult ortalyǧyn aşu qajet. Qalanyŋ auruhanalarynda aqparattyq-qabyldau bölımderı üşın şamamen 132 mln teŋge josparlanǧan» dedı Säule Qisyqova.
Jūmyspen qamtu jäne äleumettık qorǧau basqarmasyna üş jyldyq kezeŋge 34,9 mlrd teŋge, onyŋ ışınde 2020 jylǧa 13,2 mlrd teŋge qarastyrylǧan. Al Tılderdı damytu jäne mūraǧat ısı basqarmasyna 3 jylǧa – 2,8 mlrd teŋge. Onyŋ ışınde 2020 jylǧa 1,8 mlrd teŋge bölındı.
Jadyra MŪRATBEKOVA
