Nūr-Sūltan qalasy äkımdıgınıŋ baspasöz ortalyǧynda Bılım basqarmasynyŋ basşysy Şolpan Qadyrova elorda mektepterınıŋ üşınşı toqsandy qalai oqityndyǧy turaly habarlady.
11 qaŋtarda oqu jylyndaǧy eŋ ūzaq üşınşı toqsan bastalady. 1-5-synyp oquşylary da «kezekşı synyp» rejimınde bılımın jalǧastyrady. Būl turaly äkımdıktegı brifing barysynda Nūr-Sūltan qalalyq Bılım basqarmasynyŋ basşysy Şolpan Qadyrova aitty. «Üşınşı toqsanda bıtıruşı synyptar (9, 11, 12-synyptar) kezekşı sabaq prinsipı boiynşa aralas formatta oqudy bastaidy. Synyptaǧylar sany 15 adamnan aspaidy. Oflain sabaq kestesıne invariantty komponenttıŋ pänderı kıredı: orys tılı men ädebietı, qazaq tılı men ädebietı, şet tılı, algebra, geometriia, fizika, himiia, biologiia, geografiia, Qazaqstan tarihy jäne dünie jüzı tarihy. Būl – pänderdıŋ 70 paiyzy. Qalǧan 30 paiyz pänder qaşyqtan oqu formatynda ötedı. Būl Būl – informatika, özın-özı tanu, dene şynyqtyru, qūqyq negızderı, alǧaşqy äskeri daiyndyq. Sondai-aq auyspaly komponenttıŋ taqyryptary kestege säikes asinhrondy türde ötedı» dedı Şolpan Qadyrova.
Biylǧy oqu jylynda elordada 9-synypta 13215, 11-synypta 7567 bala oqidy. «Mektepterde ikemdı kesteler bolady, sabaqtar arasyndaǧy üzılıs är synypqa ärtürlı uaqytta berıledı. Al äleumettık araqaşyqtyq üşın auysym köbeitıledı. Bır sabaqtyŋ uaqyty 5 minuttyq üzılıs pen 30 minuttan aspaidy» dep tüsındırdı basqarma basşysy.
Bügınde mektepke deiıngı ūiymdarda ärbır topta barlyq sanitarlyq talaptardy saqtai otyryp, ata-analardyŋ qatysuynsyz «Qoş keldıŋ, Jaŋa jyl» taqyrybynda merekelık sabaqtar ötkızılude. Jaŋa jyldyq sabaqtardy ötkızu üşın toptar taqyrypqa säikes bezendırılgen. Är topqa şyrşa men ertegı keiıpkerlerı ornatyldy. Merekelık sabaqtardyŋ ssenariiıne säikes är bala merekelık kiımmen qatysady» dedı ol.
Sonymen qatar, ekınşı toqsanda «Elordalyq elektrondy mektep» platformasy äzırlendı, onda bılım berudıŋ barlyq deŋgeilerı boiynşa 5295 avtorlyq beinesabaqtar jükteldı. Platformany qoldanuşylardyŋ ösuı baiqalady, qaralym sany 10 millionnan asqan.
Köktem QARQYN
