Nūr-Sūltanda grek-rim küresınen qazaqtan şyqqan tūŋǧyş Olimpiada jäne älem chempiony, Qazaqstannyŋ Eŋbek Erı Jaqsylyq Üşkempırovtı eske aluǧa arnalǧan U20 jas arasynda halyqaralyq turnir öttı.
Turnirdıŋ aşylu saltanatynda Premer-ministrdıŋ orynbasary Eraly Toǧjanov, Mädeniet jäne sport ministrı Däuren Abaev, Aziia küres federasiiasynyŋ prezidentı, Qazaqstan Respublikasynyŋ grek-rim, erkın jäne äielder küresı federasiiasynyŋ basşysy Däulet Tūrlyhanov, Nūr-Sūltan qalasy äkımınıŋ orynbasary Berık Jäkenov qatysty.
J.Üşkempırov atyndaǧy «Jekpe-jek» saraiynda ötken jarystyŋ maqsaty jaily Däulet Tūrlyhanov aityp berdı:
«Mamyr aiynyŋ 3-5 künderı grek-rim küresınen jastar arasynda halyqaralyq turnir – būl marqūm Jaqsylyq Üşkempırov aǧamyzdy eske aluǧa arnalǧan jarys. Oǧan Orta Aziianyŋ tört memleketı – Qazaqstan, Özbekstan, Qyrǧyzstan, Täjıkstan elderı qatysyp otyr. Būl bäsekenıŋ basty maqsaty – baluandarymyz halyqaralyq syndarda şyŋdalyp, täjıribe jinap, aituly bäsekelerde el namysyn abyroimen qorǧasa eken deimız. Bolaşaqta qūrama komandada deŋgeiı joǧary baluandarymyz köbeise dep otyrmyz, – dedı ataqty baluan.
Nūr-Sūltanda ekınşı ret ūiymdastyrylyp otyrǧan halyqaralyq turnirde 150-den astam sportşy 10 salmaq dərejesı boiynşa bäsekege tüstı.
Halyqaralyq turnirdıŋ jeŋımpazdary men jüldegerlerıne diplomdar, medaldar jäne syilyqtar tabys etıldı.
