Prezident Qasym-Jomart Toqaevtyŋ byltyrǧy atqarǧan qyzmetı turaly üştomdyq jinaq jaryqqa şyqty. Atalǧan jinaqta Memleket basşysynyŋ ışkı saiasi ıs-şaralarda, şetelde ötken jiyndarda söilegen sözderı jäne onyŋ otandyq, halyqaralyq mäselelerge qatysty ündeulerı men mälımdemelerı qamtylǧan.
«Sonymen qatar kıtapqa Qasym-Jomart Toqaevtyŋ 2021-2022 jyldardaǧy Qazaqstan halqyna arnaǧan Joldaulary endı. 2021 jyly Qazaqstan COVID-19 pandemiiasynyŋ saldaryn joiuǧa, elımızdıŋ äleumettık-ekonomikalyq ösımın qaita qalpyna keltıruge basa män berdı. Būl Prezidenttıŋ jūmys kestesınen de anyq körındı» dep jazdy Prezidenttıŋ baspasöz hatşysy Berık Uäli äleumettık jelıdegı paraqşasynda.
Jinaqtyŋ bırınşı tomyna Memleket basşysynyŋ 2021 jylǧy nauryz ben jeltoqsan aralyǧynda elımızdıŋ jäne öŋırlerdıŋ äleumettık-ekonomikalyq damu mäselelerıne qatysty keŋesterde, Ükımettıŋ, Qazaqstan halqy assambleiasynyŋ, Ūlttyq qoǧamdyq senım keŋesınıŋ otyrystarynda, «Astana» halyqaralyq qarjy ortalyǧyn basqaru jönındegı keŋeste jäne basqa da jiyndarda söilegen sözderı toptastyrylǧan. Būdan bölek, Prezidenttıŋ memlekettık merekeler men qoǧamdyq maŋyzy bar atauly künderge bailanysty qūttyqtaulary engızıldı. Äsırese Qasym-Jomart Toqaevtyŋ 2021 jylǧy qyrküiektegı «Halyq bırlıgı jäne jüielı reformalar – el örkendeuınıŋ berık negızı» atty Qazaqstan halqyna Joldauyn erekşe atap ötken jön.
Ekınşı tom 2022 jyldyŋ qaŋtary men nauryz aralyǧyn qamtidy. Atalǧan kezeŋ elımızdegı «Qasırettı qaŋtar» oqiǧasymen erekşelendı. Memleket basşysynyŋ erık-jıgerı men batyldyǧynyŋ, sondai-aq barşa otandasymyzdyŋ bırlıgı men yntymaǧynyŋ arqasynda elımız osy auyr synaqty eŋsere bıldı. Būl jinaqta Qasym-Jomart Toqaevtyŋ qaŋtar oqiǧasyna qatysty halyqqa arnaǧan mälımdemelerı men ündeulerıne, sondai-aq «Habar» jäne «Qazaqstan» telearnalaryna bergen sūhbatyna airyqşa nazar audaruǧa bolady. Sonymen qatar ekınşı tomǧa Memleket basşysynyŋ «Jaŋa Qazaqstan: jaŋaru men jaŋǧyru joly» atty nauryz aiyndaǧy Joldauy endı. Būl Joldauda köterılgen negızgı mäsele – auqymdy reformalar men «Jaŋa Qazaqstandy» qūru. Älemde bolyp jatqan saiasi jäne äleumettık tendensiialar men oqiǧalar Qazaqstannyŋ halyqaralyq arenadaǧy qyzmetın jandandyra tüstı. Memleket basşysynyŋ ötken jylǧy jūmys kestesı auqymdy boldy.
Üşınşı jinaqqa Prezidenttıŋ ırı forumdarda, sondai-aq jaqyn jäne alys şet elderge jasaǧan saparlarynda söilegen sözderı engızılgen. Qasym-Jomart Toqaev ötken jyly Täjıkstan, Koreia Respublikasy, Resei Federasiiasy, Türıkmenstan, Belgiia men Şveisariiaǧa saparmen bardy. Būdan bölek, Prezident Türkıtıldes memleketter yntymaqtastyǧy keŋesınıŋ VIII sammitıne qatysu üşın Türkiiaǧa bardy. Memleket basşysynyŋ BŪŪ Bas assambleiasynyŋ otyrystaryndaǧy jäne osy jahandyq ūiymnyŋ basqa da ıs-şaralaryndaǧy beinebailanys arqyly söilegen sözderı de atalǧan jinaqqa toptastyryldy. Sondai-aq būl tomǧa Qasym-Jomart Toqaevtyŋ jyl saiyn ötetın halyqaralyq ıs-şaralarda söilegen sözderı engızıldı. Atap aitqanda, Joǧary Euraziialyq ekonomikalyq keŋes, Aşhabad qalasynda ötken Ortalyq Aziia elderı basşylarynyŋ konsultativtık kezdesuı, Duşanbe qalasynda ötken ŪQŞŪ men ŞYŪ otyrystary.
Būdan bölek, Prezidenttıŋ «Essentiel des Relations internationales» jurnalyna jäne reseilık belgılı jurnalist jäne telejürgızuşı Leonid Mlechinge bergen sūhbattary, Prezidenttıŋ «The Parliament» jurnalynda jariialanǧan «Partnership with the EU will anchor Kazakhstan’s future progress» maqalasy endı. Qazaqstan Respublikasy Prezidentınıŋ baspasöz qyzmetı Qasym-Jomart Kemelūlynyŋ bır jylǧy qyzmetınıŋ qorytyndysy retınde osy jinaqty oqyrmandarǧa ūsynyp otyr. Sondai-aq jinaqta Memleket basşysynyŋ qatysuymen ötken ıs-şaralarda tüsırılgen suretter berıldı. Kıtapta jariialanǧan materialdar qyzyǧuşylyq tanytqan zertteuşıler men memlekettık organdardyŋ qyzmetkerlerı üşın qūndy ärı paidaly qūjat ekenı dausyz. Prezidenttıŋ söilegen sözderı osymen üşınşı jyl jinaq bolyp şyǧyp otyr.
