Eŋbek qauıpsızdıgı saqtaluy kerek. Būl turaly äkımdıkte ötken jiynda aityldy. Döŋgelek üstel basynda bas qosqan jergılıktı bilık ökılderı men käsıpodaq müşelerı, käsıpkerler eŋbek resurstaryn damytu mäselesın talqylady.
Jiyn barysynda qala äkımı orynbasary Malika Bektūrova men Käsıpodaqtar ortalyǧynyŋ töraǧasy Tastanbek Esentaev jäne qalalyq Käsıpkerler palatasynyŋ direktory Älen Tülkıbaev 2018-2020 jyldarǧa arnalǧan qalalyq üşjaqty kelısımge qol qoidy.
Būǧan deiın soŋǧy 18 jyl ışınde mūndai üşjaqty 7 kelısım jasalǧan eken. Mūndai kelısımnıŋ orta merzımdık keleşekke qoiylǧan äleumettık-ekonomikalyq mındettemelerdı jüzege asyru üşın jasalyp otyrǧanyn aitady taraptar. Atalmyş qūjatta jūmys beruşıler men jūmyskerlerdıŋ yntymaqtastyq jauapkerşılıgın küşeitu, öndırıstık eŋbek deŋgeiın arttyru, jūmysşylardyŋ densaulyǧyn saqtau jäne sauyqtyru mäselelerı qarastyrylǧan.
Öz kezegınde söz alǧan Qalalyq orta sapasy jäne baqylau basqarmasy basşysynyŋ orynbasary mındetın atqaruşy Erlan Ysmaǧūlov «Byltyr jūmys kezınde qala boiynşa 57 qaiǧyly oqiǧa oryn alyp, onyŋ 22-sı mert bolsa, 38-ı auyr jaralandy. Biyl būl körsetkış 19 paiyzǧa azaidy. Eŋbektı qorǧau zaŋnamalaryn būzǧany üşın qaladaǧy 16 qūrylys kompaniiasynyŋ jūmysy toqtatylyp, ısterı sotqa jıberıldı» dep atap öttı. 2017-2025 jyldarǧa arnalǧan Jol kartasyn ıske asyru barysy turaly Jūmyspen qamtu, eŋbek jäne äleumettık qorǧau basqarmasy basşysynyŋ orynbasary Artem Abildinov baiandady. Sonymen qatar jiyn barysynda öndırıs üderısterın tūraqtandyru, eŋbek qūqyqtaryn jäne jūmysşylardyŋ kepıldıkterın qamtamasyz etu boiynşa yntymaqtastyq turaly käsıpodaq ūiymdary men käsıpodaq basşylary arasyndaǧy özara yntymaqtastyq turaly memorandumdardy ıske asyru barysy turaly da söz boldy. Memorandumǧa qol qoiudan görı ony jüzege asyru maŋyzdy ekenın aitqan Malika Bektūrova jiynda aitylǧan mäseleler hattamaǧa tırkelıp, aldaǧy uaqytta sol boiynşa jüielı jūmys jürgızıletının jetkızdı.
