«Ūstaz ızdengış boluy, oilai bıluı, qandai ıstı bolsyn, bar yntasymen atqara bıluı kerek» deidı orys aqyny V.Maiakovskii. Osy oraida bükıl sanaly ǧūmyryn ūstazdyqqa arnaǧan Nūr-Sūltan qalasynyŋ «Qūrmettı pedagogy» tösbelgısınıŋ iegerı Galina Şaiahmetova turaly oi tolǧaǧymyz keledı.
Qazırgı taŋda ūstaz şäkırtıne ǧylym negızderınen mälımet berıp qana qoimai, ony düniejüzılık bılım, aqparat, ekonomika keŋıstıgıne şyǧuǧa, iaǧni qataŋ bäseke jaǧdaiynda ömır süruge tärbieleuı kerek. Ūstaz – pänın, barlyq şäkırtın, mektebın şeksız süietın adam. Pedagog mamandyǧy – mamandyqtardyŋ ışındegı jan-jaqty bılımdılıktı, ūltjandylyqty, ikemdılıktı, şeberlıktı, erekşe şäkırtjandylyqty, meiırımdılıktı qajet etetın sala. Öz ısıne degen qyzyǧuşylyq pen süiıspenşılık qana ony nebır qiyn äreketterge jeteleidı, ıske batyl kırısuge septıgın tigızedı.
Galina Michislavovna – «Balalar men jasöspırımderdıŋ turizm jäne ölketanu ortalyǧynda» üiırme jetekşısı. Üiırme «Şaǧyn turizm» dep atalady, oǧan 5-12 jas aralyǧyndaǧy balalar qatysady. Üiırme balalarǧa sportqa beiım boludy, ikemdı boludy, tabiǧatpen dos boludy üiretedı. Üzılıs kezınde balalar gitaramen än aitudy jaqsy köredı. Jas ūrpaqty ūlttyq jäne jalpyadamzattyq qūndylyqtar negızınde tärbieleudı negızge alǧan üiırme jetekşısı Galina Michislavovna ünemı ızdenıs üstınde jüredı.
Ūstaz Galina Şaiahmetova – «Tek qana alǧa!» degen ömırlık ūstanymmen tynymsyz eŋbek etetın jan. Ūstazdyŋ osy ömırlık ūstanymy ortalyqtyŋ baǧytymen tyǧyz bailanysty. Balany eŋbekke baulumen qatar, olarǧa jailylyq, meiırımdılık pen quanyş atmosferasyn qūru, jeke-dara qabıletterın aşu, öz betınşe oilanuǧa jäne özındık pıkırın aşyq aituǧa üiretu, qazırgı ömır jaǧdaiynda özın-özı jetıldırumen qatar, balalar turizmın damytu siiaqty ortalyq baǧytyn öz ūstanymymen ūştastyrǧan G.Şaiahmetova Y.Altynsarin atyndaǧy «Pedagogikalyq kyzmettegı tabystary üşın» medalımen marapattalǧan. Ol – Reseide ötken «Altyn kompas» halyqaralyq baiqauynyŋ üş dürkın jeŋımpazy.
Galina ūstaz ömırınıŋ 40 jylyn jas ūrpaqqa bılım berumen qatar, «Balalar men jasöspırımderdıŋ turizm jäne ölketanu ortalyǧy» aşylǧannan bastap osy künge deiın direktordyŋ oqu-tärbie ısı jönındegı orynbasary qyzmetın atqaryp keledı. 2 ūl, 3 nemeresı bar ülken otbasynyŋ ūiytqysy Galina Michislavovnanyŋ denıne saulyq, eŋbek jolyna tolaǧai tabys, quanyşty künder tıleimız. «Ūstazdyq etken jalyqpas, üiretuden balaǧa» demekşı, şäkırt tärbieleude qajyrly eŋbekterınıŋ jemısı men jeŋısın köruıne şyn jürekten tılektespız!
Mels ÄBENOV,
Nūr-Sūltan qalasy äkımdıgınıŋ
Balalar men jasöspırımderdıŋ turizm
jäne ölketanu ortalyǧynyŋ direktory
