Elorda äkımı Altai Kölgınov oqu oryndary direktorlarymen kezdesıp, bılım salasyndaǧy özektı mäselelerdı talqylady. Kezdesu barysynda äkım ūstazdar eŋbegınıŋ zor ekenın basa aityp, astanamyzdyŋ bılım salasyndaǧy josparlarymen bölıstı.
21:38:53Bırınşı kezekte jyl saiyn tūrǧyndar sany artyp kele jatqan elordamyzdaǧy oqu oryndarynyŋ qūrylysy söz boldy. Mūǧalımder bılım sapasyn ǧana oilauy üşın oqu oryndaryn jüielı türde salu kerek. Biyl mektep qūrylysy qarqynynyŋ artuyna bailanysty üş auysymdy mektepter sanyn 8-den 4-ke deiın, toly rejimdegı mektepter 22-den 14-ke deiın azaiǧan. 5 jyldyq kezeŋge arnalǧan keşendı jospar aiasynda 50 memlekettık mektep qūrylysy josparlanǧan. Būǧan qosa, qosymşa oqu oryndary jekemenşık investisiialar esebınen salynyp jatyr. Qala äkımdıgı şaǧyn mektepter saludan bas tartyp, ırı mektepter saluǧa köşken.
Elorda äkımınıŋ aitqan ekınşı mäselesı – mūǧalımderdıŋ baspana jaǧdaiy men eŋbekaqylaryn arttyru jaǧy. «Memleket basşysy «Pedagog märtebesı turaly» zaŋ qabyldady. Biylǧy 1 qaŋtardan bastap mūǧalımderdıŋ jalaqysy 25 paiyzǧa östı, aldaǧy jyldary da eŋbekaqy artady. Tūrǧyn üi sertifikattary tegın berıledı. «Qazaqstan ipoteka kompaniiasymen» bırlesıp, bır myŋ äleumettık päter tapsyramyz. Olardy aluşylar qatarynda bılım salasynyŋ mamandary da bar. 2019 jyly mūǧalımderge jataqhana salyp berdık. Biylǧy küzde «Nūr-Sūltan qalasynyŋ qūrmettı pedagogy» medalı iegerlerıne de alǧaş ret aqşalai tölemder engızdık. Är iegerge 830 myŋ teŋgeden astam qarjy berıledı» dedı qala basşysy.
«Mūǧalım» mamandyǧy boiynşa granttar sanyn köbeitu men bılıktılık arttyru mäselesı de nazardan tys qalǧan joq. Biyl tegın bılımge şamamen 900 grant bölındı. «Ondaǧan mektep saluǧa bolady, bıraq balalardy qabyrǧa emes, özımızdıŋ pedagogtar oqytady. Bılıktılıktı arttyryp, täjıribe almasu üşın seminar, şeberlık sabaqtaryn ötkızemız. Kembridj universitetımen bırlesıp, bes mektepte «Share» baǧdarlamasyn ıske qostyq. Mūǧalımder būl baǧdarlama boiynşa şetelde de jaŋa qajettı bılımmen susyndauǧa mümkındık aldy. Baǧdarlamany kelesı jyly da jalǧastyramyz» dedı Altai Kölgınov.
Biyl pedagogtar üşın oŋai bolǧan joq. Mūǧalımder onlain bılım berudıŋ jaŋa ädıs-täsılderın meŋgeru üşın bar küşın saldy. Aita keteiık, 9-11-synyp oquşylary mektep bıtıretındıkten, 3-toqsannan bastap aralas oqytu formatyna köşedı.
