Nur Otan partiiasynyŋ respublikalyq sailaualdy ştab müşelerı Batys Qazaqstan oblysyna baryp, öŋırdıŋ ūstazdar qauymymen kezdestı. Basqosuda aldaǧy 5 jylda bılım salasyn damytudyŋ negızgı basymdyqtary talqylandy.
Bızdıŋ mındetımız – mūǧalım käsıbınıŋ bedelın odan ärı köterıp, ūstazǧa qūrmettı küşeitu. Endı pedagogtar jalaqysy 2 ese ösetın bolady. 2025 jylǧa qarai 800 jaŋa bılım beru nysanyn salu esebınen apatty jäne üş auysymdyq mektep mäselesı şeşıledı. Sondai-aq şaǧyn qalalarda, audan ortalyqtary men auyldarda 5 myŋ mektep jaŋǧyrtylady. Barlyq auyldyq mektepter jyldamdyǧy joǧary ǧalamtormen qamtylady, – dedı respublikalyq sailaualdy ştab jetekşısı Bauyrjan Baibek.
Būdan soŋ bileuşı partiia ökılderı volonterlermen, student jastarmen jäne etnomädeni bırlestıkter ökılderımen kezdestı. Partiia baspasöz qyzmetınıŋ mälımetınşe, 11 jeltoqsanda ötken Jas Otan qūryltaiynda bastau alǧan «Men Nur Otan-ǧa müşe bolamyn» jastar chellendjınıŋ aiasynda bileuşı partiia qataryna qazırdıŋ özınde 6 myŋnan astam jas qazaqstandyq qosyldy.
– Elbasynyŋ memlekettık baǧdarynyŋ sabaqtastyǧyn saqtai otyryp, Nur Otan qoǧamda, äsırese jastar arasynda özara qūrmet pen barşa azamattyŋ teŋdıgı qūndylyǧyn därıpteudı jalǧastyrady. Bızdıŋ baǧdarlamamyzda jastardy jūmyspen qamtuǧa jäne olardyŋ öz qabıletterın jüzege asyruy üşın jaǧdai jasauǧa erekşe män berılgen. Memleket basşysy Qasym-Jomart Toqaev Nur Otan qūryltaiynda atap ötkendei, sūranysqa ie mamandyqtar boiynşa joǧary bılım aluǧa arnalǧan granttar sanyn 50 paiyzǧa ūlǧaitu josparlanuda. Jastar ūiymdarynyŋ jobalaryn jäne volonterlık qozǧalysty damytudy granttyq qarjylandyru 1,5 ese ūlǧaitylady, – dedı ol.
Sol künı sailaualdy ştab müşelerı Oral transformator zauytynyŋ jūmysşylarymen kezdesude öŋırdıŋ problemalaryn talqylady.
Partiia 5 jyl ışınde oblysta 800 km-den astam avtomobil joldaryn jöndeu, auyl tūrǧyndarynyŋ sumen qamtyluyn 100 paiyzǧa jetkızu mındetın qoiyp otyr. Öŋırde 11 jaŋa mektep jäne 2 million şarşy metrden asa tūrǧyn üi salynady. Osy arqyly äleumettık mūqtaj azamattarǧa 8 myŋ päter berıledı.
