Euro-2024 turnirıne ırıkteu aiasynda Qazaqstan ūlttyq qūramasy Finliandiiaǧa qonaqqa bardy. Helsinki qalasynda ötken matchta qazaq futbolşylary 2:1 esebımen jeŋıske jettı. Osy oiynǧa deiın qos qūramanyŋ ūpaiy tepe-teŋ bolatyn. Qaisysy ūtady, sol komandanyŋ Europa chempionatyna qatysu mümkındıgı arta tüsetın edı…
Ärine, Finliandiia ūlttyq qūramasy Germaniia, İtaliia, İspaniia jäne Fransiia syndy üzdık komanda emes. Alaida oiynşylary Europanyŋ üzdık klubtarynda dop teuıp, şeberlıgın şyŋdaidy. Sondyqtan osal qarsylas emes. İä, osal emes! Būǧan deiın ekı komanda arasynda 7 oiyn bolyp, sonyŋ 5-ınde findıkter basym tüstı. Qazaqstan 1 ret ūtyp, 1 ret teŋ oinady. Soŋǧy ret 7 qyrküiekte «Astana Arenada» Finliandiia 0:1 esebımen ūtyp, bızdıŋ futbolşylardyŋ jıgerıne qūm qūiyp ketken-dı.
Sondyqtan teledidardy qosqanda «qalai bolady eken?» dep qostyq. Ä degennen-aq findıkter basymdyq tanytyp, üstı-üstıne şabuyl ūiymdastyryp, dop bızdıŋ qaqpanyŋ maŋynan tabyldy. 27-minutta 22-25 metr jerden standartty aiyp doby belgılendı. Marochkin sättı oryndap, Finliandiiany esepte alda şyǧardy. Bızdıŋ jıgıtter doptan qaita-qaita aiyrylyp, oiynnyŋ berekesı kete bastaǧandai körındı. Sonymen bırınşı taim da aiaqtaldy. Sanany ümıtke qaraǧanda kümän basty. Teledidardy bır öşırıp, bır qosyp, körsek pe, körmesek pe degen oi torlady.
Joq, ekınşı taim bastalǧanda bızdıŋ jıgıtter jıger tanytyp, dopqa köp ielık ete bastady. Ara-tūra şabuyl ūiymdastyryp, alǧa ūmtyldy. Ashat Taǧybergennıŋ 67 minutta alystan şırene tepken doby qaqpa baǧanasynan qaitty. Osy sätte dür sılkındık. 72 minutta Taǧybergen qaqpa maŋyna tepken doby fin futbolşysy Richard Ulav Djensennıŋ qolyna tiıp kettı. 77-minutta Bahtier Zainutdinov penaltidı sättı oryndap, eseptı teŋestırdı. 89-minutta Ramazan Orazov būryştamadan dop köterdı. Zainutdinov bärınen būryn dopqa jetıp, baspen gol soǧyp, ūlttyq qūramany alǧa şyǧardy.
Mıne, emosiia! Mıne, jeŋıs! Būl uaqytta quanbaǧan qazaq joq şyǧar.
Söitıp, kezdesu 1:2 esebımen qazaqstandyqtardyŋ jeŋısımen aiaqtaldy.
Qazır «N» tobynda bırınşı, ekınşı oryndaǧy Sloveniiada men Daniiada 19 ūpai, Qazaqstanda 15 ūpai bar. Endı Euro-2024 ırıkteu kezeŋınde ekı oiyny qaldy. 17 qaraşada San-Marinomen, 21 qaraşada Sloveniiamen oinaidy. Eger osy oiyndarda ūpai joǧaltpasa, Germaniiada ötetın Europa chempionatyna tıkelei joldama aluǧa mümkındık bar.
Alǧa, Qazaqstan! Jeŋıs kütemız!
