Astana qalasynyŋ Tılderdı damytu basqarmasy mektep direktorynyŋ tärbie ısı jönındegı orynbasarlary arasynda «Tärbieden – taǧylym» atty qalalyq baiqaudy ūiymdastyryp, käsıbi deŋgeiı joǧary, şyǧarmaşyl jäne ūltjandy ūrpaq tärbieleuge üles qosyp jürgen ūstazdardy anyqtaudy, olardyŋ ıs-täjıribesın nasihattau men taratudy maqsat tūtty.
Baiqauǧa qatysuşylar aldymen şyǧarmaşylyq qabıletterın, pedagogikalyq ūstanymdaryn tanystyrdy. Tärbie saǧatyn ötkızıp, qazylar alqasy ondaǧy memlekettık tıl saiasatyn jüzege asyrudaǧy keşendı jūmysqa, taŋdaǧan taqyrypqa, patriottyq tärbie beru joldaryna nazar audardy.
Tılderdı damytu men qoldanudyŋ 2014-2016 jyldarǧa arnalǧan ıs-şaralar jospary boiynşa jürgızılgen jūmystar saralandy.
Qorytyndysynda № 4 mektep-gimnaziianyŋ atynan qatysqan Erkın Tülbaqanqyzy bas jüldeger atandy. Bırınşı oryndy Syrǧagül Nūrälieva (№ 48 mektep-lisei) aldy. Ekınşı orynnan Almagül Köşkımbaeva (№ 31 mektep-gimnaziia) jäne Gülım Äbdıǧalieva (daryndy balalarǧa arnalǧan №81 «Astana English School» gimnaziia) körındı. Üşınşı oryndy Läila Appasova (№ 52 mektep-gimnaziia) men Gülsan Zamanqaraeva (№ 34 orta mektep) aldy. Bır top qatysuşylar yntalandyru syilyqtarymen marapattaldy. Baǧaly syilyqtar men diplomdardan tūrǧan jüldelerdı qalalyq Tılderdı damytu basqarmasy ūsyndy.
Amanǧali QALJANOV
Materialdy «Astana aqşamy» gazetınıŋ astana-akshamy.kz resmi saityna sılteme jasaǧanda ǧana paidalanuǧa rūqsat etıledı.
