Elordada azyq-tülık järmeŋkelerı ötkızıletın oryndarda memlekettık tūrǧyn üi baǧdarlamalary men jastardy jūmysqa ornalastyru mäselelerı boiynşa aqparattyq bukletter taratyluda. Jastarǧa kömek pen qoldau körsetuge baǧyttalǧan «Üzdık» jobasy aiasynda «Astana Jastary» jastar resurstyq ortalyǧynyŋ qyzmetkerlerı men erıktılerı «Euraziia», «Sauran» jäne «Barys Arena» maŋynda ūiymdastyrylǧan osyndai 18 bazarda tiıstı ıs-şaralar ötkızıp, 4,5 myŋǧa juyq aqparattyq buklet taratty.
«Tūrǧyndardyŋ köbı būl baǧdarlama turaly bılmeidı, sondyqtan bız adamdar köp bolatyn jerlerge baryp, osyndai tüsındıru jūmystaryn jürgızudı dūrys dep şeştık. Bız jūmysy joq jäne eş jerde oqymaityn adamdarǧa qyzyǧuşylyq tanytamyz» dedı «Astana jastary» jastar resurstyq ortalyǧynyŋ jetekşısı Aimaq Älfarabi.
Onyŋ aituynşa, aqparattyq bukletterdı taratudyŋ maqsaty – elorda tūrǧyndaryn 14-29 jas aralyǧyndaǧy jastarǧa arnalǧan memlekettık baǧdarlamalar turaly habardar etu. Atap aitqanda, būl tūrǧyn üi, jūmysqa ornalasu mäselelerı jönındegı baǧdarlamalar, sondai-aq biznes ideialarǧa arnalǧan granttar.
«Bügın järmeŋkede men üige qajettı barlyq azyq-tülık pen tauarlardy satyp aldym, erıktılerdı buklettermen kezdestırdım, olar jastarǧa arnalǧan «Üzdık» baǧdarlamasy turaly tüsındırdı. Men zeinetkermın, üi şaruaşylyǧymen ainalysamyn. Bıraq menıŋ balalarym bar, ūldarymnyŋ bırı jūmysqa ornalasa almai jür, ūiym qyzmetkerlerı osy joba turaly qosymşa aqparatty egjei-tegjeilı aityp berdı. Bızdıŋ qalamyzda tūrǧyn üi jäne jūmysqa ornalasu mäselelerın şeşu üşın jastarǧa köŋıl bölınetını menı quantty» dedı elorda tūrǧyny Küläş Smaiylova.
Jandos Berıkūly bolsa, erıktıler taratqan buklette körsetılgendei, memlekettık baǧdarlamalar turaly tanystaryna aitatynyn jetkızdı.
«Men järmeŋkege qoljetımdı baǧamen kökönıster men jemıster satyp aluǧa keldım, elordada senbı, jeksenbı künderı ūiymdastyrylatyn järmeŋkelerge būǧan deiın de jiı kelıp jürmın jäne är joly özıme kerek zattardy arzan baǧamen satyp alamyn. Bügın bazar aumaǧynda taratylǧan bukletterge keletın bolsaq, men būl baǧdarlamamen būrynnan tanyspyn. Endı ol turaly tanystaryma da aitatyn bolamyn. Sebebı, būl köptegen adam üşın öte paidaly ekendıgı belgılı. Adamdar köp jinalatyn jerlerge baryp, osyndai aqparattarmen bölısıp jürgen erıktılerge aitar alǧysym şeksız» dedı Jandos Berıkūly.
«Astana Jastary» JRO-nyŋ mamandary aldaǧy uaqytta qūrylys nysandaryn qamtudy josparlap otyr. Ondaǧy basty maqsat – elorda tūrǧyndaryn elde jüzege asyrylyp jatqan igılıktı ısterden ünemı habardar etıp otyru.
