Astanada qoǧamdyq kölıkke qatysty şeşımın kütetın mäseleler bar. Qala äkımı Äset İsekeşevtıŋ töraǧalyǧymen ötken otyrysta şahar basşysy osy jūmysqa jauapty özınıŋ orynbasaryn, Kölık jäne jol-kölık infraqūrylymyn damytu basqarmasynyŋ basşysyn, «Astana LRT» JŞS pen astanalyq avtobus parkterın qatty synǧa aldy. Äleumettık jelı men «iKomek» jedel äreket etu ortalyǧy arqyly kelıp tüsetın elorda tūrǧyndarynyŋ pıkırlerın ünemı qarap otyratynyn aityp öttı.
«Barlyq dauly mäselenı oqu jyly bastalmai tūryp şeşu kerek edı. Jūmys ıstemei tūrǧan validatorlarǧa bola adamdarǧa avtobus küttırıp qoiu syltau emes» dedı Äset İsekeşev.
Äkımnıŋ aituynşa, qoǧamdyq kölıktıŋ jūmysyn subsidiialauǧa qarjyny memleket qajettı kölemde bölgen. Jelıdegı avtobustardyŋ şyǧuyn 90-95 paiyz qamti almaityn avtoparkter men astanalyq jolauşylardyŋ jailylyǧy men qauıpsızdık servisın qamtamasyz ete almaǧandarmen kelısımşart būzylyp, olardyŋ ornyn basqa avtoparkter almastyrady.
Qala basşysy barlyq validatorlardyŋ jūmysyn retke keltıruge tapsyrma berdı. Olai bolmaǧan jaǧdaida, baǧdardaǧy kölık sanyn qysqartpastan barlyq jolauşylardyŋ tegın jüruın qamtamasyz etuın tapsyrdy.
«Validatorlardyŋ tūraqty jūmys ıstep tūruyn qamtamasyz ete almasaŋyzdar, halyqty
tegın tasymaldaŋyzdar» dedı Ä.İsekeşev.
Äkım avtobus qozǧalysyn baqylap otyratyn GPS-monitoringtıŋ jūmys ıstemeitının jäne onyŋ jolauşylarǧa aitarlyqtai qolaisyzdyq tuǧyzatynyn aitty. Onyŋ sözınşe, elektrondy tablonyŋ aiyrmaşylyǧy 3-5 minuttan aspauy tiıs. Jiyn barysynda kartany toltyru ūzaq uaqyt alatyny, oǧan 36 saǧat ketetını de söz boldy.
Ä.İsekeşev: «Kartany toltyruǧa ketetın uaqyt 3 saǧattan artyq bolmauy tiıs. Sol üşın ıs jüzınde ony bırneşe minuttyŋ ışınde bolatyndai etuı kerek. Jürgızuşıler validatordy qaitadan jüktep, tölemdı erterek tüsetın etuı qajet» degen tapsyrma berdı.
Ol, sondai-aq, «Astana LRT» JŞS-ke tamyzdyŋ aiaǧyna deiın jolaqyny töleudıŋ qosymşa mümkındıkterın qarastyrudy, jolauşylarǧa QR-kod, smartfon jäne internet-banking arqyly töleuge mümkındık tuǧyzudy tapsyrdy. Jiynda äkım qazırgı tüitkılder jäne onyŋ şeşu joldary turaly ūsynystardy aitqan astanalyq avtoparkterdıŋ basşylaryn da tyŋdap şyqty.
Avtopark ökılderı elektrondy tölem jüiesın engızu ainalymdy 30 paiyzǧa deiın ūlǧaitqanyn jäne būl qarjynyŋ qyzmet körsetu sapasyn jaqsartuǧa baǧyttalatynyn, sonyŋ ışınde joǧary bılıktı jürgızuşılerdıŋ sanyn köbeitetının aitty.
Elektrondy tölem jüiesı engızılgennen keiın jürgızuşılerdıŋ jetıspeuşılıgı mäselesı qolǧa tietın jalaqyny 300-400 myŋ teŋgege deiın köteru ädısımen şeşılgen.
Avtopark basşylary biletsız jüruşılerdıŋ köbeigenın baiqap, osyǧan bailanysty Astana äkımdıgımen bırlesıp äreket etudı jäne osy problemany şeşu üşın transport inspeksiiasy men jol-patruldık qyzmettı qosudy ötındı.
Jiyn qorytyndysynda äkım barlyq ökılettı organdarǧa aitylǧan mäselelerdıŋ bärın 1 qyrküiekke deiın şeşıp, qala baǧdarlaryn qamtamasyz etu deŋgeiın 90-95 paiyzǧa deiın jetkızudı tapsyrdy. Olai bolmaǧan jaǧdaida, avtoparktermen kelısımşart būzylatynyn eskerttı.
