Memleket basşysy Qasym-Jomart Toqaev Qarjylyq monitoring agenttıgınıŋ töraǧasy Janat Elimanovty qabyldady. Prezidentke özara baǧalaudyŋ FATF (aqşany jylystatuǧa qarsy kürestıŋ qarjylyq şaralaryn äzırleu toptary) standarttaryna sai sättı ötkenı jönınde mälımet berıldı.
Qazaqstan qylmystyq kırısterdı jylystatuǧa jäne terrorizmdı qarjylandyruǧa qarsy ıs-qimyldyŋ meilınşe tiımdı jüiesın körsettı. Būl otandyq biznestıŋ transşekaralyq qarjy operasiialar baqylauynan oŋai ötuıne mümkındık beredı.
Sondai-aq halyqaralyq yntymaqtastyqty nyǧaitu jūmystary jalǧasyp keledı. Qazaqstan aqşany jylystatuǧa qarsy küres jönındegı Aziia-Tynyq mūhity tobynda baqylauşy märtebesıne ie boldy. Būl osy aimaqtaǧy eldermen qarym-qatynastyŋ tiımdılıgın arttyrady.
Juyrda Ükımet Köleŋkelı ekonomikaǧa qarsy ıs-qimyl jönındegı 2023-2025 jyldarǧa arnalǧan keşendı jospardy bekıttı. Qūjatta sauda, öŋdeu önerkäsıbı, auyl şaruaşylyǧy, jyljymaityn mülık jäne kölık salalaryndaǧy köleŋkelı operasiialardyŋ deŋgeiın tömendetu şaralary qamtylǧan.
Janat Elimanovtyŋ aituynşa, Agenttık qyzmetınıŋ nätijesınde jyl basynan berı 94 milliard teŋge şyǧyn ötelıp, aktivter qaitaryldy, 5 qylmystyq top joiyldy (taǧy 3 ıs jürgızılıp jatyr). Biudjet qarjysyn jymqyru faktılerı boiynşa otyn-energetika keşenınde, kommunaldyq qyzmet körsetu jäne gaz salasynda bırqatar ıs tergelıp jatyr.
Azamattardyŋ densaulyǧyn qorǧau maqsatynda surrogat alkogol öndıretın 12 sehtyŋ qyzmetı toqtatyldy, elımızge qūny 5,3 milliard teŋge bolatyn elektrondy temekı äkeluge jol berılmedı. Zaŋsyz oiyn biznesıne qarsy ıs-äreketter nätijesınde 11 jasyryn kazino jäne 2 bukmekerlık keŋse taratyldy.
Azamattardy alaiaqtyq ıske tartuǧa jol bermeu üşın 22 qarjy piramidasynyŋ qyzmetı toqtatyldy, salymşylarǧa keltırılgen 1,9 milliard teŋge şyǧyn öteldı, qarjy piramidalaryn jarnamalaityn 5,3 myŋnan astam sait pen akkaunt būǧattaldy. Sonymen qatar Agenttıktıŋ atsalysuymen 14 oblysta äleumettık maŋyzy bar azyq-tülık önımderınıŋ 14 türı boiynşa baǧa arzandady.
Kezdesu soŋynda Qasym-Jomart Toqaev biznestı qorǧauǧa, sondai-aq şetelge zaŋsyz qarajat şyǧarudyŋ jäne ūlttyq jobalarǧa bölınetın biudjet qarjysyn jymqyrudyŋ jolyn kesuge baǧyttalǧan bırqatar tapsyrma berdı.
