Keşe Beibıtşılık jäne kelısım saraiynda oquşylar arasynda fizika pänı boiynşa 45-ınşı Halyqaralyq olimpiadanyŋ aşylu räsımı öttı.
Saltanatty jiynda söz söilegen QR Bılım jäne ǧylym ministrı Aslan Särınjıpov ūiymdastyrylyp otyrǧan atalmyş şaranyŋ ǧylym men bılımdı tanudaǧy maŋyzdylyǧyn aityp, öz elınıŋ intellektualdyq äleuetın körsetetın daryndy balalarǧa jeŋıs jolynda sättılık tıledı. Onyŋ aituynşa, elordada ötıp jatqan IPHO olimpiadasyna qatysuşy memleketterdıŋ sany rekordtyq körsetkışke ie bolyp otyr. Iаǧni, älemnıŋ 85 elınen kelgen 700-ge juyq qatysuşy 21 şıldege deiın Nazarbaev universitetı bazasynda bılımderın synamaq. Qazaqstan qūramasy atynan Ämır Bırälin, İsa Danat, Nūrbek Dınmūhammed, Nūrislam Tūrsynbek jäne Däulet Qūrmantaev ǧylym bäigesınde el namysyn qorǧaidy.
«Ǧylymdy qyzyǧuşylyq damytady. Bıraq, ökınışke qarai, oǧan äuestenuşıler är synypta bes-altau ǧana. Būl olimpiada – oquşylardyŋ ǧylymi ırgetasy. Maŋyzdysy qai jerden kelgenıŋ, neşınşı oryn alǧanyŋ emes, oiy jüirık, eŋ üzdık oquşylardyŋ kezdesıp, pıkır almasyp, täjıribelerımen bölısıp, ǧylymi bailanys ornatulary. Öitkenı, özge oqymystylarmen bolǧan jaqsy qarym-qatynas Einşteinnıŋ özıne jaŋalyq aşuǧa bır septıgın tigızgen edı» deidı Halyqaralyq olimpiada prezidentı Hans Iordans.
Täuelsızdık alǧaly Qazaqstan būl olimpiadaǧa 17 ret qatysyp, jeŋıs qorjynyn 8 altyn, 20 kümıs jäne 17 qolamen toltyrǧan eken. «Özımızdıŋ el – Gollandiiamen salystyratyn bolsam, Qazaqstan oquşylarynyŋ deŋgeiı joǧary. Būl – ūstaz bergen sapaly bılımnıŋ aiqyn aiǧaǧy. Altyndy soŋǧy ret 80-jyldary alǧanbyz. Odan keiın qolanyŋ özıne äjeptäuır mäz bolamyz. Sondai-aq, bır baiqaǧanym, batys elderıne jetıstıkke jeteleitın draiv jetıspeidı. Al, ondai qūlşynys Qazaqstan qatysuşylarynan erekşe baiqalady» dep Hans Iordans bızdıŋ oquşylarǧa öz baǧasyn berdı.
Atap aitar bolsaq, olimpiada teoriialyq jäne täjıribelık kezeŋnen tūrady. Alǧaşqy kezeŋde 3 eseptı şeşuge 5 saǧat uaqyt berıledı. Al, täjıribe sany arnaiy qūrylǧylarǧa bailanysty älı de naqtylana tüspek.
Mädina JAQYP
