Astana qalasy äkımdıgı Tılderdı damytu basqarmasynyŋ ūiymdastyruymen QR Täuelsızdıgınıŋ 25 jyldyǧyna arnalǧan «Memlekettık tıl – barlyq salada» atty jas mamandardyŋ arasyndaǧy «Jaidarman» oiyndary öttı.
Būl synnyŋ basty erekşelıgı oiynǧa käsıbi «jaidarmanşylar» emes, ärtürlı salada qyzmet etıp jürgen jas mamandardyŋ qatysuy bolsa kerek.
Memlekettık tıldıŋ mereiın köteruge arnalǧan «Jaidarman» oiyndaryna 11 komanda qatysyp, öz önerlerın ortaǧa saldy. Olardyŋ ışınde Astana qalasy äkımdıgı Bılım basqarmasy, Saryarqa audany äkımdıgı men Astana qalalyq Dın ısterı basqarmasy, «KEGOC» jäne «Transtelekom» AQ qūrama komandalary bar. Memlekettık qyzmetşıler men aksionerlık qoǧamnyŋ jas mamandary körermenge köterıŋkı köŋıl-küi syilai bıldı. Sondai-aq, äzıl keşıne S.Seifullin atyndaǧy Qazaq agrotehnikalyq universitetı, Qazaq ekonomika qarjy jäne halyqaralyq sauda universitetı, Astana qalasy kölık jäne kommunikasiia kolledjı men ASU kolledjınıŋ ūstazdary qatysyp, öz şäkırtterın külkıge qarq qyldy.
Oiyn bastalmai tūryp körermen «Jaidarmanǧa» qatyspaǧan jas mamandar sahnada qalai öner körseter eken?» dep küdıktengen bolatyn. Tıptı, mūndai küdıktıŋ bolǧanyn körermennen būryn Qazaqstan KVN odaǧynyŋ prezidentı Esen Eleukennıŋ özı tılge tiek ettı. Alaida 11 komandanyŋ ışınde önerımen jūrtşylyqty täntı etken de, sonymen qatar «ättegen-ai» degızgen de qūramalar boldy. Desek te, jas mamandardyŋ astarly äzılderı keibır kemşılıkterdı juyp-şaiyp ketkendei boldy. Būdan bölek, körermen men qazylar alqasyn «jaidarmanşylardyŋ» saiasi äzıl aita bılgen qasietı tamsandyrdy. Sebebı «qazaq köŋıldı tapqyrlar kluby saiasi äzılder aitpaidy» degen qoǧamda syni közqaras bar bolatyn.
Sonymen, qazylar alqasynyŋ şeşımı boiynşa Astana qalasy kölık jäne kommunikasiia kolledjı «Jaidarman» saiysynda eŋ üzdık öner körsetkenı üşın «Üzdık oiynşy» nominasiiasyn ielendı. Sondai-aq, üşınşı oryndy Saryarqa audany äkımdıgı men Astana qalalyq Dın ısterı basqarmasynyŋ bırlesken qūramasy mıse tūtsa, ekınşı oryndy Qaraǧandy qalasynyŋ jas mamandary oljalap kettı.
Al bas jülde men kubokty «Qazaqstan» Respublikalyq teleradiokorporasiiasy» aksionerlık qoǧamynyŋ atynan qatysqan «Törtınşı bilık» komandasy jeŋıp aldy.
Serık QŪDAIBERGENŪLY
