Astanada «Jaily mektep» jobasyn ıske asyru jūmystary bastaldy. Memleket basşysynyŋ tapsyrmasyna säikes elordada ūlttyq joba aiasynda 24 «Jaily mektep» salynady. Jaŋa formattaǧy mektepter ekı auysymda 90 myŋǧa juyq oquşyǧa arnalǧan oryn aşuǧa mümkındık beredı.
24 «Jaily mekteptıŋ» 15-ı qarqyndy damyp kele jatqan Nūra men Esıl audandarynda ornalasady. Sondai-aq «Jaily mektepter» qalanyŋ eldı mekenderınde de boi köteredı.
– Qazırgı uaqytta 15 «Jaily mektep» boiynşa jūmys bastaldy. Jer uchaskelerın daiyndau boiynşa jūmys jürıp jatyr: qorşaular, injenerlık-geologiialyq ızdestıru, tıreulerdı bıteu, qūrylys tehnikasyn jūmyldyru jäne t.b. jūmystar ıstelıp jatyr. 14 mekteptıŋ qūrylysy jürıp jatyr, onyŋ 11-ı jaŋa oqu jyly ışınde aşylatyn bolady. Mektepterdıŋ qūrylysy jaŋa audandarda da, qalanyŋ oŋ jaǧalauynda da, eldı mekenderde de jürgızılıp jatyr. Olardyŋ bır bölıgı apatty jaǧdaidaǧy mekteptermen almastyrylady, – dedı qala äkımı Jeŋıs Qasymbek.
Sondai-aq qala äkımı özge de bırqatar memlekettık mekteptıŋ qūrylysymen tanysyp, tiıstı tapsyrmalar berdı. «Tūran daŋǧyly men №24 köşenıŋ, Qarasai batyr men Būlanty köşelerınıŋ qiylysyndaǧy, Kökseŋgır köşesındegı mektepter, sondai-aq qazırgı №17 jäne №27 mektepterdıŋ janyndaǧy jaŋa ǧimarattardy aralap, qūrylys jūmysymen tanystym. Bas qalamyz «Jaily mektep» jobasyn sätımen oryndau üşın önımdı jūmys jürgızedı» dep atap öttı qala äkımı.
