Biyl elordanyŋ tūrǧyn üi-kommunaldyq şaruaşylyq salasyn damytuǧa 62,8 mlrd teŋge bölındı. Qazırge deiın būl qarjynyŋ 49 mlrdy nemese 80 paiyzy igerıldı. Qalǧan qarajat jyl aiaqtalǧanşa igerıledı. Nūr-Sūltan qalasy mäslihatynyŋ kezektı sessiiasy kezınde osylai dep mälımdegen qala äkımınıŋ orynbasary Ermek Qizatov tūrǧyndarǧa jaily qalalyq ortany qalyptastyru üşın atqarylyp jatqan jūmystar jönınde baiandady.
«Bölıngen qarjy 66 jobany jüzege asyruǧa baǧyttaldy. Onyŋ 12-sı osy jyly tolyǧymen aiaqtalady. Būǧan qosymşa, aldaǧy üş jyldyq biudjette tiıstı jūmystarǧa 92 mlrd teŋge qarastyrylǧan. Sonyŋ ışınde respublikalyq biudjetten – 66 mlrd, jergılıktı biudjetten – 26 mlrd 2020 jyly – 44,9 mlrd teŋge, 2021 jyly – 28,4 mlrd teŋge, 2022 jyly 18,9 mlrd teŋge bölu josparlanyp otyr» dedı E.Qizatov.
Atqarylǧan jūmystarǧa toqtalǧan ol «İlinka» tūrǧyn alabynda joldar men injenerlık infraqūrylym salynǧanyn jetkızdı. Būl jūmys üşınşı kezek boiynşa jürgızıldı. Atap aitqanda, 10 şaqyrym jolǧa asfalt töselıp, 4 şaqyrymnan astam kollektorlyq kärız jüiesı salyndy. «Oŋtüstık-Şyǧys» audanynyŋ oŋ jaǧynda abattandyru jasaldy.
«Būl nysan 10 jyldan astam uaqyt qarausyz qalǧan edı. Qajet jūmystar osy jyldyŋ ortasynda qaita jandandyrylyp, jyl aiaǧynda aiaqtaldy. Abai daŋǧylynan bastap, S.Seifullin köşesıne deiıngı K.Kümısbekov köşesın qaita qūru jūmystary oryndaldy. Biyl «Lineinyi» saiabaǧy, Botanikalyq baq, «Jerūiyq» saiabaǧyndaǧy tennis ortalyǧy paidalanuǧa berıldı. Barşyn köşesı boiymen injenerlık jelılerdı salu aiaqtalyp kele jatyr. Būl jūmys elektrenergiiasymen, sumen, su būru jüiesımen 70 päter men 200 kottedjdı qamtamasyz etuge mümkındık beredı. Negızgı qūrylys jūmystary aiaqtaldy. Qazır kolonkalardy montajdau jürıp jatyr» dedı qala äkımınıŋ orynbasary.
Būǧan qosa, Almaty jäne Saryarqa audandarynda su qūbyry men kärız jüiesın jaŋǧyrtu jalǧasyp jatyr.
