Jyl basynan berı elordada eŋbek zaŋnamasynyŋ talaptaryn saqtamaǧan 82 zaŋdy tūlǧaǧa 20 mln teŋge aiyppūl salyndy. Būl turaly kommunikasiialar qyzmetınde ötken baspasöz mäslihatynda Qalalyq orta sapasy jäne baqylau basqarmasy basşysynyŋ orynbasary Erlan Ysmaǧūlov mälımdedı.
– Jyl basynan berı eŋbek zaŋnamasynyŋ saqtaluyn baqylau maqsatynda memlekettık eŋbek inspektorlary jospardan tys 247 tekserıs jürgızdı. Byltyr säikes kezeŋde 267 tekserıs jasalǧan bolatyn. Nätijesınde talapqa sai kelmeu faktılerı boiynşa 133 nūsqama, sondai-aq 20 mln teŋge somasyna 82 zaŋdy tūlǧaǧa äkımşılık aiyppūl salyndy. Ötken jyly bolǧan tekserıster qorytyndysy boiynşa 87 subektıge 16 mln teŋge aiyppūl salynǧan edı, – dedı Erlan Ysmaǧūlov.
Sonymen bırge biyl 800-ge juyq astanalyqtyŋ jalaqy boiynşa bereşegı öteldı.
– Biyl 86,2 mln teŋgeden astam jalaqy boiynşa bereşek öteldı. Osylaişa, 795 qyzmetkerdıŋ eŋbek jäne konstitusiialyq qūqyqtary qorǧaldy. 2022 jyly 1 758 qyzmetkerdıŋ jalpy somasy 430 mln teŋge jalaqy bereşegı öndırılgen edı, – dedı Qalalyq orta sapasy jäne baqylau basqarmasy basşysynyŋ orynbasary.
Onyŋ aituynşa, jalaqy boiynşa bereşek mäselelerın şeşu jäne eŋbek janjaldaryn boldyrmau maqsatynda tūraqty negızde problemaly jūmys beruşıler jäne özgede jauapty organdar ökılderı men äkım orynbasarynyŋ töraǧalyǧymen eŋbek qatynastaryn retteu jönındegı qalalyq komissiianyŋ otyrystary ötkızılıp tūrady. Jyl basynan berı ötken osyndai 5 otyrystyŋ nätijelerı boiynşa jalaqy boiynşa bereşektı öteu, öndırıstık jaraqattanudy azaitu, äleumettık audarymdardy töleu boiynşa bereşek mäselelerın şeşu jäne retteu jönınde şaralar qabyldandy.
Bügıngı taŋda elordada 299 alaŋda qūrylys jūmystary jürgızılude. Būl rette barlyq qūrylys kompaniialary bırdei qauıpsızdık tehnikasyn saqtai bermeitını şyndyq. Qarjynyŋ tiıstı deŋgeide bölınbeuı saldarynan keide öndırıstık jaraqattanular oryn alyp, būzuşylyqtarǧa jol berılıp jatady.
– Taldau körsetkenındei, eŋbek qauıpsızdıgı jäne eŋbektı qorǧau erejelerınıŋ saqtalmauy, jūmysşylardyŋ jeke qorǧanyş qūraldarymen qamtamasyz etılmeuı auyr jaraqattarǧa, tıptı jazataiym oqiǧalarǧa äkelıp soǧady. Osyndai oqys oqiǧalardyŋ aldyn alu maqsatynda eŋbek inspektorlary käsıporyndardyŋ eŋbek ūjymdarymen eŋbek qauıpsızdıgı jäne eŋbektı qorǧau jönındegı talaptardy saqtau boiynşa biyl 1500-den astam qyzmetkerdı qamti otyryp, 50 eŋbek ūjymynda tüsındıru jūmystaryn jürgızdı. Äleumettık jäne eŋbek qatynastaryn retteu maqsatynda qalada 34 000-nan astam ūjymdyq şart jasaldy, – dedı Erlan Ysmaǧūlov.
