Elorda äkımı Altai Kölgınov energetiktermen kezdesıp, olardyŋ jalaqysyn köterudı tapsyrdy. Olardyŋ qataryna «Astana-AEK» AQ, «Astana-Energiia» AQ, «Astana Teplotranzit» AQ jūmysşylary, onyŋ ışınde «Astana su arnasy» MKK mamandary kıredı. Qosymşa syiaqy da berıletın bolady.
Esterıŋızge sala keteiık, 2020 jyldan bastap energetikterdıŋ jalaqysy (barlyq vedomstvolyq ūiymdar) artty. Qala äkımı qyzmetkerlerdı Energetikter künımen qūttyqtap, eŋbek jaǧdailaryn jüielı türde jaqsartu qajettıgın atap öttı.
«Bızdıŋ klimat – kürt kontinentaldy, elordamyz – älemdegı eŋ suyq astanalardyŋ bırı. Energetikterdıŋ tynbai etken eŋbegınıŋ arqasynda qalaǧa jylu, jaryq, su üzdıksız kelıp tūrady. Qys ailarynda energiia közderıne tüsetın salmaq artady. Altynşy turbinany qosu bızge qosymşa 120 MVt elektr energiiasy men jylytu üşın 180 gigakaloriia beredı. JEO-1 jäne JEO-2 qazandyqtary gazǧa auystyryldy. Būl şaralar energiia közderıne salmaq tüsırmeuge mümkındık beredı.
Eŋbek jaǧdaiyn jasau üşın biyl jalaqyny josparly türde kötere bastadyq, kelesı 2021 jyly jalǧastyramyz. Bız jūmysşylarymyzdyŋ eŋbegın baǧalaimyz! Eŋbekterıŋız üşın raqmet! Energetikter künımen qūttyqtaimyn!» dedı Altai Kölgınov.
