Janat NŪRPEIISOV: «Biudjet bekıtılgenşe qimyldap qalyŋyzdar»
Osy künderı Astana qalalyq mäslihatynda 2019-2021 jyldarǧa arnalǧan qala biudjetınıŋ jobasy talqylanyp jatyr. Osyǧan arnalǧan alǧaşqy otyrystardyŋ bırın mäslihattyŋ äleumettık-mädeni damu mäselelerı jönındegı tūraqty komissiiasy ötkızıp, qalalyq Strategiialyq jäne biudjettık josparlau basqarmasynyŋ basşysy Rasul Orazǧūlovtyŋ, tiıstı basqarma basşylarynyŋ baiandamalaryn tyŋdady.
Rasul Orazǧūlovtyŋ mälımdeuınşe, üş jyl ışınde boljam boiynşa biudjetke 857 mlrd teŋge kırıs kıredı. Sonyŋ ışınde salyq kırısı 851 mlrd teŋge bolmaq. Al 2019 jyly 270 mlrd kırıs kırmek.
«Elbasynyŋ biylǧy 5 qazandaǧy Joldauyna säikes kelesı jyldyŋ 1 qaŋtarynan eŋ az jalaqy 1,5 esege ösıp, 28 myŋ teŋgeden, 42,5 myŋ teŋgege köterıledı. Būl jaǧdai bır jaǧynan 80 myŋnan astam adamnyŋ tabysyn arttyrady, ekınşı jaǧynan, salyq kırısın köbeitedı. Astana boiynşa 25 AEK körsetkışınen tömen tabysy bar 86 myŋ adam tırkeldı. Olarǧa salyq stavkasy azaitylady» dedı R. Orazǧūlov.
Onyŋ aituynşa, üş jyldyq biudjet 1 trln 177 mlrd 652 mln teŋgenı qūramaq. Sonyŋ 413 mlrd 191 mln teŋgesı 2019 jylǧa tiesılı. Būl bekıtılgen 2018 jyldyŋ biudjetıne qaraǧanda 8 paiyzǧa köp. Qalanyŋ üş jyldyq biudjetıne osy merzım ışınde respublikalyq biudjetten 310 mlrd teŋge kölemınde maqsatty transfertter kırmek. Būl soma kelesı jyly 130 mlrd teŋgenı qūramaq. Būǧan kerısınşe, 2019 jyly jergılıktı biudjetten respublikalyq biudjetke 30 mlrd teŋge jıberıledı. Būl biylǧy körsetkışten 1,4 ese köp.
Otyrysta anyqtalǧandai, basqarmalardyŋ barlyq sūranystary qanaǧattandyrylǧan joq. Mäslihat deputattary men basqarma basşylary osyǧan nazar audardy. Äsırese, äleumettık jäne mädeni nysandardyŋ qūrylysy men kürdelı jöndeluı bıraz äŋgıme boldy.
«Taldyqorǧan qalasynda jaqynda jaŋa teatr aşyldy. Bız 20 jyldyŋ ışınde bır qazaq teatryn sala almai otyrmyz. Jalpy teatrdyŋ qūrylysy qaşan bastalady?» degen sūraqty qoidy mäslihat deputaty Miras Şekenov.
Būl mädeni oşaqtyŋ salynuy Astanany damytudyŋ bes jyldyq josparyna engızılgen. Alaida qūrylysy 2020 jyly bıraq bastalady. Otyrysta oǧan osyndai jauap berıldı. Qazırgı qazaq teatry – Q.Quanyşbaev atyndaǧy memlekettık akademiialyq qazaq muzykalyq drama teatrynyŋ ǧimaraty tiıstı talapqa säikes kelmeidı. Sahnadaǧy jaryq pen dybysty retke keltıru üşın, iaǧni jaŋa jabdyqtardy alu üşın 340 mln teŋge kerek.
Qalalyq Mädeniet jäne sport basqarmasynyŋ basşysy Bolat Majaǧūlov Quyrşaqtar teatry men «Jastar» saraiynyŋ jaǧdaiy da mäz emestıgın emeurınmen jetkızdı. Şahardaǧy eskı ǧimarattardyŋ bırı M.Gorkii atyndaǧy Memlekettık akademiialyq orys drama teatryna tiesılı. Biyl onyŋ kürdelı jöndeuıne qarjy bölındı. Atalmyş teatr endı ekı jyl boiy jöndelıp, ärtıster Beibıtşılık jäne kelısım saraiynda qoiylymdaryn qoiady. Tört jyl būryn paidalanuǧa berılgen «Barys Arena» sporttyq keşenınıŋ ışı de tozyŋqyraǧan. «Qazaqstan» sport keşenı de tiıstı jaǧdaida emes.
Mektepter mäselesı de kürdelı ekenı belgılı. «Kirpichnyi» kentındegı №12 mektep būryn balabaqşa bolǧan. Atalǧan ǧimarat mektepke laiyqtalmaǧan. Mäslihat deputaty Zeinolla Şıbkenov mūnyŋ jaiyn Bılım basqarmasynyŋ basşysy Änuar Janǧozinnen sūrady.
«Bolaşaqta būl mekteptı qaitadan balabaqşaǧa ainaldyramyz. Oquşylardy №80 mektepke auystyramyz. Ol üşın oquşylardy tasymaldaityn mektep avtobusyn ūiymdastyramyz» dedı basqarma basşysy.
Sondai-aq ol №23 mekteptıŋ sportzaly boiynşa mäsele tuyndap jatqanyn jetkızdı. №27 jäne №62 mektepterdı jöndeuden de tüitkılder baryn aitty. Jalpy orta bılım beru oşaqtaryn jöndeudı Bılım basqarmasynan alyp, Qalalyq ortany regenerasiialau basqarmasyna beru mäselesın köterdı. Bıraz dau tudyrǧan №8 mektep boiynşa būl mäsele qarastyrylyp jatqanyn aitty. Rasul Orazǧūlov mektepterdı jöndeuge 8 mlrd teŋge kerektıgın qosa kettı.
Otyrysta Qoǧamdyq densaulyq saqtau basqarmasynyŋ basşysy Kamaljan Nadyrov, Tılderdı damytu jäne arhiv ısı basqarmasynyŋ basşysy Tıleuǧali Qyşqaşbaev, Jūmyspen qamtu jäne äleumettık qorǧau basqarmasy basşysynyŋ orynbasary Artem Äbıldinov atalmyş basqarmalardyŋ mūqtajdyqtaryn deputattarǧa jetkızdı.
Otyrys soŋynda qalalyq mäslihat hatşysy Janat Nūrpeiısov bır aidan säl asqanda biudjet bekıtıletının aityp, oǧan deiın tiıstı ūsynystardy berudı eskerttı.