Jaŋa äkım – jaŋa mındetter

Beisenbı künı Memleket basşysy Qasym-Jomart Toqaev qalalyq mäslihattyŋ kezekten tys otyrysyna qatysyp, deputattarǧa Nūr-Sūltannyŋ jaŋa äkımı lauazymyna Altai Kölgınovtıŋ kandidaturasyn ūsyndy. Deputattar Prezidenttıŋ ūsynysyn bırauyzdan qoldady.

Qazaqstan Prezidentı şahar aktivımen kezdesude būǧan deiıngı Nūr-Sūltan qalasynyŋ äkımı Baqyt Sūltanovtyŋ atqarǧan jūmysyna joǧary baǧa berdı. «Qazaqstan Respublikasynyŋ Konstitusiiasyna säikes, qala äkımı Baqyt Sūltanovty qyzmetınen bosatu jönınde şeşım qabyldadym. Aldymen Baqyt Tūrlyhanūlyna osyndai tarihi ärı ja­uapty kezeŋde özıne artylǧan senımdı aqtap, tapsyrylǧan mındettı abyroimen atqarǧany üşın rizaşylyǧymdy bıldıremın» dedı Memleket basşysy.
Qasym-Jomart Toqaev qalanyŋ jaŋa äkımınıŋ aldynda maŋyzdy mındetter tūrǧanyn atap öttı. «Nūr-Sūltan qalasynyŋ äkımı bolyp Altai Kölgınov taǧaiyndaldy. Ol – ūiym­das­tyruşylyq qabıletı men bılıktılıgı joǧary jas maman. Batys Qazaqstan oblysynda bırneşe jyl tabysty eŋbek etıp, jergılıktı halyqtyŋ aldynda zor bedelge ie boldy. Onyŋ bılımı men täjıribesın eskere otyryp, Nūr-Sūltan qalasynyŋ äkımı qyz­metıne taǧaiyndau turaly şeşım qabyldadym» dedı Memleket basşysy.

Qazaqstan Prezidentı halyqtyŋ ömır süru sapasyn arttyru mäselesıne egjei-teg­jeilı toqtaldy. «Azamattardyŋ äl-auqatyn arttyruǧa basa män berıletın bolady. Jaqyn künderı tūrǧyndardyŋ äleumettık mäselelerın şeşuge baǧyttalǧan maŋyz­dy şeşım qabyldanady. Būl üderısterden astanamyz qalys qalmauy kerek. Kerısınşe, äleumettık mäselelerdı şeşu ısınde aldyŋǧy qatarda jüruı qajet» dedı Qasym-Jomart Toqaev. Jiyn soŋynda Memleket basşysy jaŋa äkımge bırqatar naqty tap­syr­ma berdı.
Memleket basşysy qalalyq aktivpen kezdesude elordadaǧy eŋ tüitkıldı mäselenıŋ bırın qozǧady. Ol adamdardyŋ ömırıne qauıp töndıretın qaqpaǧy aşyq jatqan qūdyqtar mäselesıne nazar audardy. «Bas qalada mūndai qūdyqtardyŋ boluy – naǧyz masqara! Bız «Euraziianyŋ astanasy» dep atap jürgen qalada adamdar qūdyqqa tüsıp, köz jūmuda. Küllı Ükımet äkımdıkpen bırge osy mäselenı şeşe almai otyrǧany ökınıştı-aq» dep mälımdedı Q.Toqaev.
El Prezidentı jergılıktı bilıktıŋ būl mäselege nükte qoiuǧa jaqyn qalǧanyn jetkızdı. «Būl – naǧyz masqara! Demek, qūzyrly organdar el kökeiındegı mäselelermen ainalysuy tiıs. Bız köpırtıp köp söz söileimız, bıraq būl jerde naqty ıstıŋ nätijesı kerek. Qarapaiym adamdar bilıkten sony kütedı» dep qadap aitty Memleket basşysy. Soŋǧy kezderı elordada balalardyŋ qūdyqqa qūlap, mert bolu oqiǧalary bolǧany ras. Ötken jyldyŋ qaraşa aiynda 13 jasar oquşynyŋ mäiıtı tabyldy. Ekınşı qaiǧyly oqiǧa biyl boldy. Būl joly 13 jasar er bala aşyq qūdyqqa tüsıp, köz jūmdy.