Astana äkımdıgı soŋǧy ret 2019 jyly jaŋa avtobustar satyp alǧan. Biyl qalalyq mäslihat osy olqylyqtyŋ ornyn toltyryp, 400 avtobus satyp alu turaly şeşım qabyldaǧan. Sonyŋ ışınde 55 avtobus satyp alynǧan. Būl turaly Astana qalalyq mäslihatynyŋ töraǧasy Erlan Kanalimov mälım ettı. Ol qalada jaŋadan 6 avtobus baǧdary aşylatynyn jetkızdı. Qalalyq mäslihattyŋ kezektı sessiiasynda avtobus jetıspeuşılıgı, jaŋa baǧdarlar aşu, avtobus jürgızuşılerınıŋ tapşylyǧy, biletsız jüretın jolauşylar, erekşe qajettılıgı bar jandardyŋ qoǧamdyq kölıkte jürıp-tūruy jäne taǧy basqa özektı mäseleler talqylandy.
«Qozǧalys aralyǧyn saqtamau, qyzmetkerlerdıŋ jaǧymsyz mınez-qūlqy, sondai-aq baǧyttyq jelını özgertu boiynşa ūsynystar – qala tūrǧyndarynyŋ iKomek qyzmetıne qoǧamdyq kölık jūmysyna şaǧymdarynyŋ negızgı tızbegı osyndai. Aitpaqşy, ai saiyn qyzmet nömırlerıne 3 myŋǧa juyq qoŋyrau tüsedı. Sonymen qatar, bügınde elordada jürgızuşılerdıŋ tapşylyǧy kürt baiqalady. Avtobusta biletsız jüretın jolauşylardyŋ mäselesı taǧy bar, soŋǧy aialdamalarda jürgızuşıler üşın qajettı infraqūrylym joq. Mäselen, jyl saiyn qoǧamdyq kölıkte biletsız jürgenderdıŋ ıs-qimylynan keletın şyǧynnyŋ kölemı 2,8 mlrd teŋgenı qūraidy. Kadr tapşylyǧy – 1000 maman. Osyndai mäseleler qalalyq mäslihattyŋ kezektı sessiiasynda aşyq aityldy» dep jazdy E.Kanalimov äleumettık jelıdegı paraqşasynda.
Onyŋ aituynşa, qalalyq äkımdık soŋǧy ret 2019 jyly jaŋa avtobustardy satyp alǧan. «Biyl Astana mäslihatynyŋ qoldauymen 400 bırlık avtobus satyp alu turaly şeşım qabyldandy, onyŋ 55-ı jetkızıldı. 6 jaŋa avtobus baǧdaryn aşu mäselesı qarastyryluda. Osyǧan bailanysty halyqaralyq täjıribenı eskere otyryp, ainalma marşruttardy engızudı qarastyrudy, aialdamalardyŋ soŋǧy punktterın retke keltırudı qaradyq. Bır mandatty okrugter boiynşa sailanǧan deputattardyŋ pıkırın eskere otyryp, elorda audandaryna marşruttarǧa jaŋa avtobustardyŋ bölınuıne taldau daiyndaudy tapsyrdym. Sondai-aq qalada erekşe qajettılıgı bar jandarǧa qolaily jaǧdai tuǧyzu mäselesıne erekşe nazar audaru tapsyryldy. Sessiia qorytyndysy boiynşa qoǧamdyq kölık jūmysyndaǧy eskertulerdı, şaǧymdar men kemşılıkterdı joiu boiynşa ıs-şaralar josparyn äzırleuge tapsyrma jükteldı. Jyl soŋynda jauapty azamattar atqarylǧan jūmystar turaly esep beruı kerek» dep sözın tüiındedı qalalyq mäslihat töraǧasy.
