Astana qalasynyŋ äkımı İmanǧali Tasmaǧambetovtıŋ qatysuymen ötken köşpelı keŋes barysynda kölık qūralynyŋ jaŋa jüiesı tanystyryldy.
Elorda äkımınıŋ tapsyrmasy boiynşa jäne «Astana qalasynyŋ jaŋa kölık jüiesı» jobasynyŋ aiasynda 2014 jyldyŋ 4 mamyrynan bastap bas qalada Kölık mamandarynyŋ bılıktılıgı ortalyǧy jūmys ıstei bastaǧan edı. Astana basşysy osy ortalyqta bolyp, oqu synyptaryn aralady. Jaŋa tehnologiialarmen jäne jabdyqtarmen jaraqtandyrylǧan ortalyqta 4 oqu, 2 kompiuterlık jäne arnauly tehnologiialyq kabinet bar.
Bılıktı jürgızuşılerdı daiarlau maqsatynda aldaǧy uaqytta qazırgı zaman talabyna sai ekı multimediialyq avtobus trenajerı, jolaqyny elektrondy jüiede töleuge arnalǧan demo-qūrylǧy, BRT dispetcherlendıruge qajettı qūrylǧylar satyp alynbaqşy.
23 adamnan qūralǧan ortalyq äkımşılıgındegılerdıŋ on üşı – oqytuşy. Europalyq täjıribelerge süiene otyryp, qazırgı kezde olar qalalyq jolauşylar kölıgınıŋ jürgızuşılerıne, konduktorlar men baqylau-reviziia qyzmetı mamandaryna, sondai-aq taksi jürgızuşılerıne sabaqtar ötkızıp jatyr.
Ortalyqta injenerlık-tehnikalyq mamandar, jöndeu sehynyŋ jūmysşylary, BRT jaŋa kölık jüiesınıŋ qyzmetkerlerı jäne qalanyŋ kölık sektorynyŋ basqa da mamandary oqidy. Ai saiyn ortalyq arqyly 180-200 adam bılım alsa, jyl soŋyna deiın 1500-den astam adamdy oqytu josparlanyp otyr. Bügıngı taŋda mūnda 455 avtobus jürgızuşısı men 254 konduktor bılımderın jetıldırude.
«Astana qalasynyŋ jaŋa kölık jüiesı» (VRT, ITS) jobasy keler jyly ıske qosylady. Jobanyŋ basty artyqşylyqtarynyŋ bırı – qoǧamdyq kölık qyzmetın paidalanǧany üşın jolauşy jolaqyny aialdamalar sany negızınde töleidı. Osyǧan orai, endı jolauşylar türlı baǧyttaǧy kölıkterge auysyp otyru mümkındıgıne ie bolady. Būl olardyŋ uaqyty men aqşasyn ünemdeuge mümkındık beredı. Al jolauşylar aǧyny qalalyq baǧdarlar boiynşa bırkelkı bölınedı. Būl, tüptep kelgende, jolauşylardy tasymaldau qyzmetınıŋ tartymdylyǧy men qolailylyǧyn arttyrady.
Bilet satu jüiesınıŋ jūmysyna toqtalsaq, būl rette qala men onyŋ tūrǧyndaryna bırqatar artyqşylyqtar qarastyrylǧan. Atap aitsaq, jolaqyny töleu kontaktısız kartalarmen bilet satu avtomattary arqyly, iaǧni, elektrondy türde jüzege asyrylady. Alǧaşqy kezde jolaqy biletın satyp aludyŋ 4 türı engızıledı. Olar: zeinetkerlerge, mügedekter men mektep oquşylaryna jäne studentterge berıletın jeke plastikalyq karta; barlyq toptaǧy tūrǧyndarǧa qoljetımdı käduılgı toltyrylatyn plastikalyq karta; kontaktısız qaǧaz bilet – negızgı tūtynuşylary qala qonaqtary; avtobus jürgızuşısınen qolma-qol aqşa satyp alynatyn käduılgı qaǧaz bilet.
Qazırgı kezde jobanyŋ zaŋdy qūrylymyna jäne qarjy kestesıne bailanysty daiyndyq jūmystary qolǧa alynǧan körınedı.
Gülbarşyn ÖKEŞQYZY
