JAŊA MAMANDYQTAR İGERUDE
Bizdiŋ basqarma eŋbek naryǧynyŋ qajettiligin eskere otyryp, jūmyssyzdardy käsiptik daiarlau jäne biliktiligin nyǧaitu, qaita daiarlau siiaqty äleumettik qorǧaudyŋ belsendi şaralaryn jürgizip keledi.
Käsiptik oqytudy ūiymdastyru üşin büginde «Agentstvo Lider» JŞS, «Uzor» JŞS, «Professional»» OÖO, «Firma Alan» JŞS, «Uchebnyi avto-sentr» JŞS, «Qazaq Gumanitarlyq-Zaŋ Universiteti» AQ jäne «Otan» RQB äriptestik boiynşa ekijaqty şart jasalǧan.
Jūmyssyz azamattardy käsiptik daiarlau, qaita daiarlau jäne biliktilikti arttyru 40 mamandyq boiynşa jürgizilip keledi. Jūmyssyzdar üşin äleumettik qorǧaudyŋ qosymşa şarasy retinde medisinalyq kuälandyru ötemaqysyn jäne jol jüru aqysyn töleu qarastyrylǧan.
Bir adamnyŋ ailyq oqu aqysy orta eseppen 48 230 teŋgeni qūrap otyr. Ötken jyldyŋ basynan beri basqarma mamandary käsiptik bilim alu mäselelerimen habarlasqan 1174 adamǧa keŋes berdi. Olardyŋ 869-y jūmyssyz jan retinde käsibi daiyndyqtan ötuge joldandy.
Büginde 853 adam oqudy bitirip, özderine qolaily jūmys tauyp ülgerdi.
Oqu bitirgenderdiŋ 384-i jastar eken. Iаǧni, ötken jyly käsiptik bilim alǧan jastar ülesi 45 paiyzdy qūrap otyr. Būlardyŋ 372-si jūmysqa ornalasty.
Äielderdiŋ ülesi 559 adamdy qūraǧan. Olardyŋ 529-y jūmysqa ornalasyp ülgerdi.
Joǧary nemese käsiptik orta bilimi bar jūmyssyz azamattardyŋ biliktiligin arttyruǧa erekşe köŋil bölinedi. Alǧaşqy ret qoǧamdyq tamaqtanu käsiporyndarynda äkimşilerge, ofis-menedjerlerge arnalǧan qonaqjailylyq negizderiniŋ kurstary ūiymdastyryldy. Sondai-aq, alǧaş ret myna mamandyqtar boiynşa, sanitarlyq-tehnikalyq jüieler men jabdyqtar montajşysy, qoǧamdyq tamaqtanu käsiporyndarynyŋ äkimgeri, ofis-menedjer mamandyqtaryn oqytu memlekettik tilde jürgiziletin bolady. Būl jūmyssyz azamattardyŋ eŋbek naryǧyndaǧy bäsekelestigin arttyrady. Öitkeni, osy mamandyqtar jūmys beruşiler tarapynan ülken sūranysqa ie.
Oljas OMAR,
Jūmyspen qamtu jäne äleumettik baǧdarlamalar basqarmasy bastyǧynyŋ orynbasary