Jaŋa qaulyda ne jaŋalyq?
Qazaqstannyŋ bas memlekettık sanitarlyq därıgerı Erlan Qiiasov jaŋa qaulyǧa qol qoidy. Qaulyda qaita ekpe saldyru turaly aitylǧan.
E.Qiiasov jekelegen jaǧdailarda Qazaqstan aumaǧynda koronavirustyŋ paida boluy men taraluyna jol bermeu jönındegı vedomstvoaralyq komissiianyŋ şeşımı boiynşa Düniejüzılık densaulyq saqtau ūiymy maqūldaǧan vaksinalarmen COVID-19-ǧa qarsy vaksinasiialaudyŋ tolyq kursyn qaitadan jürgızu turaly aitty.
Qaulyda jazylǧandai, Qazaqstan Respublikasynyŋ müddelerın halyqaralyq deŋgeide qorǧau maqsatynda şetelge şyǧatyn adamdarǧa; «Bolaşaq» halyqaralyq stipendiiasyn ielenuşılerge jäne ükımetaralyq kelısımder/şarttar, onyŋ ışınde akademiialyq ūtqyrlyq şeŋberınde şetelge oquǧa jıberıletın adamdarǧa jäne olardyŋ otbasy müşelerıne Bılım jäne ǧylym ministrlıgı ūsynǧan tızım boiynşa rastaityn qūjattardy (studenttık viza, oqu ornynan şaqyru) ūsynǧan kezde qaita ekpe salynady.
Sondai-aq şeteldık oqu oryndaryna öz betınşe tüsken jäne ükımetaralyq kelısımder nemese akademiialyq ūtqyrlyq şeŋberınde oqityn studentterge jäne Work&Travel baǧdarlamasy boiynşa barudy josparlaǧan studentterge jäne olardyŋ otbasy müşelerıne Bılım jäne ǧylym ministrlıgı ūsynǧan tızım boiynşa rastaityn qūjattardy (studenttık viza, oqu ornynan şaqyru) ūsynǧan kezde; Qazaqstan Respublikasynan tys jerlerde emdeu qajettılıgın rastaityn qūjattardy ūsynǧan kezde şetelde emdeuge jıberıletın nauqastarǧa, sondai-aq olardy emdeu üşın alyp jüretın adamdarǧa da qaitadan vaksina salu mındetteledı.