Memleket basşysy Qasym-Jomart Toqaev elımızdegı äleumettık-ekonomikalyq jaǧdaiǧa qatysty keŋes ötkızdı. Prezident keŋeske qatysuşylarǧa Premer-ministr Asqar Maminnıŋ qyzmetten bosatu jönınde ötınış bergenın habarlady. Memleket basşysy onyŋ ötınışın qabyldady. QR Konstitusiiasyna säikes Premer-ministrdıŋ qyzmetten bosatyluy bükıl Ükımettıŋ ökılettıgın toqtatqanyn bıldıredı. Ükımet müşelerı jaŋa qūram jasaqtalǧanşa, öz mındetterın atqara beredı. Premer-ministrdıŋ mındetın atqaru Älihan Smaiylovqa jükteldı.
Qasym-Jomart Toqaev öz sözınde infliasiiaǧa jol bermeu atqaruşy bilıktıŋ basty mındetterınıŋ bırı ekenın, bıraq onyŋ oryndalmaǧanyn aitty. «Būl el Ükımetınıŋ kelesı qūramynyŋ jäne ministrler kabinetınıŋ jaŋa basşysynyŋ eŋ basty mındetı bolady» dedı Prezident. Qasym-Jomart Toqaev Ükımettık komissiiaǧa, qūqyq qorǧau organdaryna jäne Maŋǧystau oblysynyŋ äkımıne jaǧdaidy tūraqtandyru jūmystary üşın alǧys bıldırdı.
Qasym-Jomart Toqaev elımızde qalyptasqan kürdelı qoǧamdyq-saiasi jäne äleumettık-ekonomikalyq jaǧdaiǧa toqtalyp, sūiytylǧan gaz baǧasynyŋ artuyna bailanysty halyqtyŋ narazylyǧyn tudyrǧany üşın Ükımet, sonyŋ ışınde, Energetika ministrlıgı, sondai-aq «Qazmūnaigaz» ben «Qazaqgaz» käsıporyndary kınälı ekenın aitty.
Memleket basşysy Almaty qalasy men Maŋǧystau oblysynda tötenşe jaǧdai engızılgennen keiın ahualdyŋ bırtındep tüzeletının atap öttı. Sondai-aq jaǧdaidy tūraqtandyruǧa qatysty tapsyrmalar berılgenın, būl rette negızgı salmaq öz mındetterın mınsız atqaryp jatqan Işkı ıster ministrlıgıne, Jedel äreket etetın arnaiy jasaqqa jäne Ūlttyq ūlanǧa artylyp otyrǧanyn mälımdedı.
Prezident özınıŋ byltyr mausym aiynda, Maŋǧystau oblysyndaǧy «Qazaq gaz öŋdeu zauyty» bazasynda sūiytylǧan gaz öndıretın jaŋa zauyt salu jönınde bergen tapsyrmasynyŋ oryndalu barysyn synǧa aldy. «Qazırgı uaqytta jobanyŋ tek tehnikalyq-ekonomikalyq negızdemesı ǧana daiyndalǧan. Ony qarjylandyru mäselesı şeşılmegen. Ekınşıden, sūiytylǧan gazdy taratu jäne saudaǧa şyǧarudyŋ qazırgı tärtıbı pysyqtalmaǧan. Elektrondy sauda barysynda baǧanyŋ ösuın şekteu tetıkterı qarastyrylmaǧan. Nätijesınde Energetika ministrlıgı elektrondyq sauda boiynşa jedel äreket etıp, ony auyzdyqtai almaǧan» dedı Prezident.
Sonymen qatar Qasym-Jomart Toqaev atalǧan salany reformalauǧa qatysty jüielı ädıstıŋ joq ekenın atap öttı. «Eşkım özın ünemı şyǧynǧa ūşyrata bermeitının tüsınu maŋyzdy. Elımız gaz jäne gaz öŋdeu salalarynda investisiiasyz, tıptı gazsyz qaluy da mümkın. Sondyqtan jüielı, bıraq oilastyrylǧan jäne kezeŋ-kezeŋımen jüzege asyrylatyn reformalardan basqa jol joq. Aldaǧy uaqytta gaz salasyn sapaly türde qaita qarap, ışkı naryqty tauarlyq gazben tolyqqandy qamtamasyz etu kerek» dedı Memleket basşysy.
Osyǧan bailanysty Prezident qazırgı jaǧdaidy tūraqtandyruǧa baǧyttalǧan eŋ aldymen atqarylatyn şaralar turaly baiandady. «Bırınşıden, men Maŋǧystau boiynşa Ükımettık komissiianyŋ ūsynǧan şaralar keşenın maqūldaimyn. Ekınşıden, monopoliiaǧa qarsy organǧa Käsıpkerlık Kodekstıŋ 119-babyna säikes sūiytylǧan gazdyŋ baǧalaryn 180 künge uaqytşa baǧalyq retteudı engızudı tapsyramyn. Oblystarda halyq üşın şektı baǧalar ötken jyldyŋ soŋyndaǧy baǧa deŋgeiınen aspauǧa tiıs. Üşınşıden, Ükımetke sūiytylǧan gazdy elektrondyq sauda alaŋdary men birjalar arqyly ötkızuge tolyq köşudı bır jylǧa şegerudı tapsyramyn. Osy kezeŋde normativtık-qūqyqtyq bazany mūqiiat äzırlep, sauda alaŋdary jūmysynyŋ aşyq boluyn qamtamasyz etu, baǧanyŋ kürt ösuın şekteu tetıkterın engızu qajet. Törtınşıden, Bas prokuraturaǧa bäsekelestıktı qorǧau agenttıgımen bırlesıp, baǧalyq söz bailasu men özge de bäsekelestıkke qarsy ıs-äreketterge qatysty tergeu jürgızudı tapsyramyn. Tergeudı jedel jürgızıŋız. Jiyrma kün ışınde esep berıŋız» dedı Qasym-Jomart Toqaev.
Sonymen qatar Memleket basşysy elımızdıŋ saiasi, äleumettık jäne ekonomikalyq qūrylysy özgermeitının aitty. Onyŋ pıkırınşe, unitarlyq, zaŋ üstemdıgı, jeke menşık qūqyǧyn qūrmetteu jäne naryqtyq ekonomika memlekettık saiasatymyzdyŋ basty qaǧidattary bolyp qala beredı.
Jiyn soŋynda Qasym-Jomart Toqaev äleumettık-ekonomikalyq ahualdy tūraqtandyru üşın bırqatar qosymşa tapsyrma berdı:
- Mūnai önımderınıŋ (benzin, dizel, sūiytylǧan gaz) baǧasyna memlekettık retteudı 180 künge engızu;
- Äleumettık maŋyzy bar azyq-tülık tauarlarynyŋ baǧasy boiynşa memlekettık retteudı engızu. Şeşımdı naqty aimaqtaǧy äleumettık-ekonomikalyq jaǧdaiǧa qarai öŋırlerdıŋ äkımderı qabyldaidy;
- «Jeke tūlǧalardyŋ bankrottyǧy turaly» Zaŋdy äzırleuge kırısu;
- Halyq üşın 180 künge kommunaldyq tarifterdı köteruge moratorii engızu qajettıgın qarastyru;
- Halyqtyŋ äleumettık jaǧdaiy naşar toptary üşın naryqtaǧy baspanany jalǧa alu qūnyn subsidiialau mäselesın qarastyru;
- Densaulyq saqtau jäne balalar mäselelerın şeşu üşın «Qazaqstan halqyna» dep atalatyn qoǧamdyq qor qūru, ony memlekettık jäne jeke közder arqyly qarjylandyru.
Jiyn barysynda Işkı ıster ministrı Erlan Tūrǧymbaev, ŪQK töraǧasy Kärım Mäsımov, Bas prokuror Ǧizat Nūrdäuletov baiandama jasady.
