Mädeniet jäne sport ministrlıgınıŋ bastamasymen ūly aqynnyŋ 175 jyldyq mereitoiy aiasynda jaqynda «Abai instituty» aşyq bılım beru jobasy jūrtşylyqqa jol tartady.
Atalmyş joba aldymen qazaq tılı men ädebietın jäne mädenietın därıpteudı közdeidı. Sonymen bırge memlekettık tıldı oqytu baǧdarlamasynyŋ jalpyǧa qoljetımdılıgın qamtamasyz etu üşın respublikada jäne şetelde qazaq tılınde aşyq bılım aludy jüzege asyrady. Qazırgı künı «Otandastar» qorymen bırlesıp, bes memlekette – Türkiia, İran, Resei, Belgiia jäne AQŞ elderınde qazaq tılın oqytu kurstary jūmysyn bastady.
Älemdık täjıribege jügınsek, tıl üirenuge, bır halyqtyŋ ädebietın, tarihyn jäne jalpy bolmys-bıtımın nasihattaityn mūndai täjıribe jetkılıktı. Düniejüzı boiynşa osyndai 25-ke juyq ortalyq bar. Solardyŋ ışınen älem tanyǧan bır-ekeuın aitsaq, mäselen, türıktıŋ Iýnus Emre instituty men nemıstıŋ Giote instituty. Būlar tıl üiretumen şektelmei, mädenietaralyq özara bailanys pen äleumettık qūndylyqtardy tügel qamtidy. «Abai instituy» osylardyŋ laiyqty serıktesı retınde qazaq tılın şetelderdegı qazaq diasporasyna, sonymen qatar tarihymyzǧa qyzyǧuşy şeteldık jäne elımızdegı qazaq tılın jetkılıktı kölemde meŋgermegen azamattarǧa üiretude rölı airyqşa bolady.
