Qazaqstan Respublikasy Bas prokuraturasy Qūqyqtyq statistika jäne arnaiy esepke alu komitetınıŋ Astana qalasy boiynşa basqarmasynda 2017 jyldyŋ 9 aiyndaǧy elordadaǧy qūqyq tärtıbı, sondai-aq, Astana qalasynda jüzege asyrylyp jatqan QR Bas prokuraturasynyŋ ılkı
jobasy turaly aqparat beruıne arnalǧan baspasöz mäslihaty öttı.
Elordada ötken toǧyz aidaǧy qylmys sany byltyrǧy jyldyŋ osy kezeŋındegı körsetkışpen salystyrǧanda 20,5 paiyzǧa azaiǧan. Atap aitqanda, kısı öltıru – 38 paiyz, tonau – 23 paiyz, qaraqşylyq şabuyl – 21 paiyz, ūsaq būzaqylyq 11 paiyzǧa kemıgen körınedı.
Būny mamandar bas şahardaǧy «EKSPO-2017» halyqaralyq mamandandyrylǧan körmesınıŋ ötkızıluımen, ondaǧy qūqyq qorǧau jäne jergılıktı atqaruşy organdardyŋ bırlesken küş-jıgerımen bailanystyryp otyr.
Alaida osy toǧyz aida päter ūrlyǧy – 5,5 paiyzǧa, qalta telefondaryn qoldy qylu 77,3 paiyzǧa ösken. Mūnyŋ basty sebebı de salǧyrttyq pen nemqūraidylyqta jatyr.
Al jol-kölık oqiǧasyna keletın bolsaq, ötken jylǧa qaraǧanda zardap şeguşıler az bolǧanymen, (539-dan 448-ge azaiǧan) köz jūmǧandar sany (29-dan 49-ǧa deiın) artqan. Sondai-aq, sol mert bolǧan 49 adamnyŋ 29-y – köşenı belgılenbegen jerden kesıp ötken jaiau jürgınşı.
Baspasöz mäslihatynda Qazaqstan Respublikasy Bas prokuraturasy Qūqyqtyq statistika jäne arnaiy esepke alu komitetınıŋ Astana qalasy boiynşa basqarma bastyǧy Ruslan Älkenov Qazaqstan Respublikasy Joǧarǧy soty men Işkı ıster ministrlıgı
jäne Astana qalasynyŋ äkımdıgı bırlesıp, memlekettık organdardyŋ qyzmetın sandyq jüiege köşırudıŋ bırqatar ılkı jobalaryn jüzege asyruǧa kırıskenın aitty.
Mäselen, üstımızdegı jyldyŋ 25 tamyzynan bastap
Almaty audanynda «Elektrondy qylmystyq ıs» jobasy qolǧa alyndy.
Al Saryarqa audanynda eŋ qylmys köp jasalatyn aulalar anyqtaldy. Aldaǧy uaqytta mūnda 262 beinekamera ornatu josparlanuda. Öitkenı būl aulalarda ūrlyq pen qoǧamdyq tärtıptı būzu faktılerı, sondai-aq, tūrǧyndardyŋ aryz-şaǧymdary köbırek tırkeletını baiqaldy.
Temırjol vokzaly maŋyndaǧy köşelerde, Ş.Aimanov, 16, Dükenūly, 38, Bögenbai batyr, 59, Saryarqa daŋǧyly, 43 üidıŋ aulalary aiyryqşa baqylauǧa alynǧan. Ärı osy jerde ornatylǧan beinekameralar qala äkımdıgınıŋ jaǧdaidy baqylau ortalyǧymen tıkelei qosylǧandyqtan, dabyl qaǧylǧan kezde şūǧyl äreket etu toby bırden kömekke keletın bolady.
Sondai-aq, mūndai aula tūrǧyndary jekemenşık küzet mekemesımen kelısımşartqa otyru jönınde jergılıktı polisiia qyzmetkerlerı, päter ielerı kooperativterımen bırıgıp, tüsınık jūmystaryn jürgızılude.
Ärine, qyzmet körsetu aqyly bolady. Degenmen, qala äkımdıgınıŋ kömegımen kameralardy tegın ornatu közdelude. Sonda tūrǧyndar tek küzet
mekemesınıŋ qyzmetıne ǧana aqy töleitın bolady.
Jasyratyny joq, aiyna 400 teŋge tölenetın qazırgı aulalarda qoiylǧan beinebaqylau kameralarynyŋ sapasy tym tömen. Ärı jasalǧan qylmys jaǧdaidy anyqtau ortalyǧyna tüspeitındıkten, qylmystyŋ beinejazbasyn köru üşın päter ielerı kooperativıne baryp, şaǧym tüsıruıŋız kerek. Al jaŋa joba boiynşa jasalǧan qylmysty küzet firmasynyŋ qyzmetkerı özı körıp, şūǧyl äreket etu tobyna tez habar beredı. Söitıp, köp jaǧdaida qylmystyŋ aldy alynady.
Qazaqstan Respublikasy Bas prokuraturasy Qūqyqtyq statistika jäne arnaiy esepke alu komitetı jurnalisterge tanystyrylǧan būl jaŋa jobalardyŋ barlyǧy da qala tūrǧyndary tarapynan qoldau tabatynyna senımdı.
Taŋatar TÖLEUǦALİEV
