Osydan ekı aiǧa juyq uaqyt būryn Astana qalasy äkımdıgı men basqarmalar jäne basqa da qalalyq qūzyrly organdar jaŋa jūmys kestesıne köşken bolatyn. Aqpan aiynyŋ bırınşı jūldyzynan bastap äkımdıkke qarasty mekemeler tügeldei taŋǧy saǧat 8.30-da jūmysqa kırısıp jür. Tüskı üzılıs saǧat 13.00-den 14.30-ǧa deiın. Būl jaŋa jüienı Astana qalasy äkımı Qazaqstan Respublikasynyŋ Eŋbek kodeksıne jäne «Qazaqstan Respublikasyndaǧy jergılıktı memlekettık basqaru jäne özın-özı basqaru turaly» Qazaqstan Respublikasynyŋ Zaŋyna säikes qabyldaǧan edı. Aidan asa uaqyt ışınde būl jüie öz tiımdılıgın körsettı me, kölık keptelısı säl de bolsa azaidy ma? Būl sūraqtyŋ tüiının tömendegışe tarqatyp köruge tyrystyq.
Elordadaǧy kölık keptelısın azaitu mäselesı būǧan deiın de san märte qaraldy. Türlı ideialar aityldy, jaŋa jobalar jete zertteldı. Eŋ soŋynda osy jüiege toqtau jönınde şeşım qabyldandy. Öitkenı, Astana köşelerındegı keptelıs taŋǧy saǧat 7.50 şamasynan 9.00-ge deiın öte joǧary bolady eken. Qazır äkımdık jäne oǧan qarasty barlyq mekemelerdıŋ qyzmetkerlerı saǧat segızge deiın keptelıs bastalmai tūryp jūmys oryndaryna kelıp ülgeredı. «Astana LRT» JŞS mamandarynyŋ mälımetıne qaraǧanda, jūmys uaqytyndaǧy jäne tüskı üzılıs kezındegı keptelıs būrynǧydan bıraz tömendegen.
– Bızdıŋ mamandar qala köşelerındegı kölık keptelısı men jüktemesıne saraptama jürgızıp otyrady. Būryn Orynbor, Täuelsızdık, Tūran, Bögenbai batyr, Respublika jäne Abylai han köşelerınde taŋǧy jūmys uaqytynda kölık keptelısı köp bolatyn. Atalǧan köşelerde ortaşa eseppen alǧanda kölık aǧynynyŋ ösımı ötken jylǧydan 14,6 paiyzǧa joǧary bolǧan edı. Būl körsetkışke Qabanbai batyr men Bögenbai batyr köşesı kırıp tūrǧan joq. Osy ekı köşedegı kölık aǧynynyŋ ösımı ötken jylǧy körsetkışten 8 jäne 2 paiyzǧa joǧary. Jaŋa jūmys kestesı tılge tiek bolǧan köşelerdegı kölık aǧynynyŋ ösımın toqtatty. Tıptı, azaita bastady desek te bolady, – deidı «Astana LRT» JŞS-nyŋ transport jönındegı direktory Rustam Halilev.
Onyŋ aituynşa, būl jaŋa bastamany jalpy qala jūrtşylyǧy tügel qoldasa, keptelıstı älı de bırneşe ese azaituǧa bolady eken. Ol üşın qaladaǧy barlyq mekemeler men ūiymdar josparly türde ärtürlı jūmys kestesıne köşuı qajet. Mäselen, qalalyq äkımdık pen oǧan qarasty basqarmalar men departamentter, audandyq äkımdıkter qazırgıdei jūmystaryn taŋerteŋgı saǧat 8.30-da bastasa, ministrlıkter men onyŋ ärtürlı bölınısterı taŋǧy saǧat 7.00 nemese 7.30-da jūmysqa kırısulerı kerek. Sonyŋ nätijesınde qaladaǧy jol qatynasy qazırgıden äldeqaida jaqsara tüspek. Mamandardyŋ esepteuınşe, ärtürlı jūmys kestesı kezınde kölık keptelısı kem degende 20-25 paiyzǧa azaiyp, joldyŋ ūzaqtyǧy 25 paiyzǧa deiın qysqarmaq. Ärine, özge mekemeler būl bastamany jappai qoldap jatsa ǧana.
– Astana qalasy äkımınıŋ jaŋa bastamasyn jüzege asyrmas būryn äkımdık barlyq mekemelerde arnaiy tüsındıru jūmystaryn jürgızdı. Sodan keiın baryp jaŋa jūmys kestesı qabyldanǧan. Mıne, ekı aiǧa juyqtap qaldy. Qazırdıŋ özınde qala tūrǧyndary tarapynan jyly pıkırler jiı aitylyp qalady. Kölık keptelısı azaiǧanyn baiqap jatqandar bar. Mūnyŋ özı jaŋa bastamanyŋ nätije bere bastaǧanyn körsetedı. Al, eger respublikalyq deŋgeidegı memlekettık organdar men ūiymdar qalalyq äkımdıktıŋ jūmys kestesınen bölek basqa jūmys uaqytyn taŋdap, soǧan köşıp jatsa, onyŋ nätijesın bırneşe paiyzǧa şaǧyp beruge bolar edı. Ökınışke qarai, özge ūiymdar būl bastamaǧa şoşyna qaraidy. Şetelde mūndai täjıribe ūzaq jyldardan berı qoldanylyp keledı. Qyzmetkerler jūmysqa erte kelse, säikesınşe erte şyǧady jäne erte jatyp demalady. Bastapqyda būl mümkın emestei körınetını ras. Bıraq, ekı-üş aptada-aq adam jaŋa jüiege üirenedı. Qalypty jaǧdaiǧa ainalyp ketedı. Bärı bırdei jaŋa bastamaǧa ürkıp qaraidy dep aita almaimyn. Qoldau bıldırıp jatqan özge mekemeler de az emes. Tek älı naqty şeşım qabyldai qoiǧan joq, – dep tüsındıredı R.Halilev.
İä, qala köşelerındegı kıdırıssız qatynas ta şahardyŋ ekonomikalyq damu körsetkışıne septıgın tigızetın faktorlardyŋ bırı. Sondyqtan jaŋa bastamaǧa elordada ornalasqan respublikalyq deŋgeidegı ūiymdar men mekemeler de köbırek qoldau bıldırıp atsalyssa, qūba-qūp bolar edı.
Meŋdolla Şamūratov
Astana qalasynyŋ tūrǧynymyn, äkımdık osy şeşımdı qabyldaǧan edı kölık keptelısı bırşama azaidy. Basqa mekemeler qoldap jatsa qaita quanamyz
Jūmys kestesı özgeruın men de qalaimyn. Qalamyzda keptelıstıŋ az boluy, tıptı müldem bolmauy üşın jaǧdai jasauǧa tiıstımız