Azamattyq bastamalardy qoldau ortalyǧy Brijit Bardo qorynyŋ ökılı Bridjit OLUAMEN kezdesu ūiymdastyrdy. Kezdesuge januarlardyŋ qūqyqtaryn qorǧaityn jergılıktı ükımettık emes ūiymdar qatysty.
Brijit Olua saparynyŋ negızgı maqsaty ūsynylatyn äleumettık qyzmetterdıŋ sapasyn jaqsartu üşın januarlardy qorǧau jönındegı ükımettık emes ūiymdardyŋ halyqaralyq ūiymdarmen bailanys ornatuyna järdemdesu boldy. Qor ökılı januarlardy qorǧauǧa baǧyttalǧan Azamattyq bastamalardy qoldau ortalyǧynyŋ grant aluşylarynyŋ jūmysyna oŋ baǧa berdı jäne Qazaqstan bügınde januarlardyŋ qūqyqtaryn qorǧauǧa degen közqarasty özgertuge daiyn ekenın habarlady.
«Brijit Bardo qoryna Qazaqstannan januarlarǧa, atap aitqanda, itter men mysyqtarǧa qatysty qatygezdık turaly köptegen sūraular kelıp tüsetındıkten, koronavirustyq pandemiiaǧa deiın bız sızdıŋ el Prezidentıne şara qoldanu turaly hat jazdyq. Qasym-Jomart Toqaev Qor jūmysynyŋ maŋyzdylyǧyn atap ötıp, oǧan jauap berdı. Ol Qazaqstanda januarlarǧa qatysty jaǧdai özgeruı kerek degen pıkırmen tolyq kelısetının aitty. Būl baǧyttaǧy jūmys bastalyp kettı dep aituǧa bolady» dedı B.Olua.
Qor qazır Semeide veterinarlardy oqytu baǧdarlamasyn jüzege asyruda. Qazaqstannyŋ barlyq aimaqtarynan kelgen veterinarlar zararsyzdandyrudy üiretuge jıberıledı. Azamattyq bastamalardy qoldau ortalyǧynyŋ basqarma töraǧasy Lima Dias Birgemiz: Ayala jobasy aiasynda volonterlerdı şaqyru, sondai-aq olardy veterinariia, kinologiia jäne zoopsihologiia negızderıne oqytu boiynşa jūmys jürgızılıp jatqanyn aitty.
Soŋynan taraptar ärıptestıktıŋ bırqatar äleuettı baǧyttaryn belgılep, januarlardy qorǧaudy qamtamasyz etu boiynşa jūmysty küşeituge kelıstı.
