1 mausym – halyqaralyq balalardy qorǧau künı. Osyǧan orai Astana qalalyq №11 emhanada «Jürekten jürekke» atty şara öttı.
Atalǧan emhananyŋ bas därıgerı Jaŋalyq Saǧyndyqovtyŋ aituynşa, emhanada 7 myŋnan astam bala tırkelgen. Onyŋ 89-y mümkındıgı şekteulı balalar bolyp sanalady. Olardyŋ 57,3 paiyzy jüike jüiesı auruyna şaldyqqan. Sondai-aq, damudyŋ tuabıttı kemıstıgı 12,3 paiyz bolsa, qant diabetı auruyna 9 paiyz bala duşar bolǧan.– Memleket basşysy Nūrsūltan Nazarbaev «Balalar bızdıŋ qoǧamnyŋ eŋ älsız, ärı qorǧausyz bölıgı, sondyqtan olardyŋ qūqyǧyn ärkezde de qorǧalyp, saqtaluy kerek. Bızdıŋ jerde düniege kelgen kez kelgen bala – qazaqstandyq. Memleket olardy qamqorlyǧyna aluy kerek» degen bolatyn. Osy sözdı basty nazarǧa alyp, balalar men olardyŋ otbasy müşelerıne em-dom jūmystaryn jürgızemız. Öitkenı mümkındıgı şekteulı balalardy tärbielep otyrǧan ata-analarǧa da kömek qajet bolyp jatady, – deidı ol.
Bas därıgerdıŋ aituynşa, mümkındıgı şekteulı balalarǧa emhana tarapynan jan-jaqty em-dom jūmystary jürgızılıp tūrady. «Jaqsy söz jan semırtedı» degen mäteldı basşylyqqa alǧan därıgerler emdeluşılerge ruhani tūrǧydan qoldau retınde konserttık baǧdarlamalar ūsyndy.
Serık JOLDASBAI
