Ä. JAQSYBEKOV, Astana qalasynyŋ äkımı: JOSPARLY AJYRATULAR TÖTENŞE JAGDAIǦA PARA-PAR

Keşe Astana qalasy äkımınıŋ töraǧalyǧymen kezektı apparattyq keŋes bolyp öttı. Qala basşysy audan äkımderı men öz orynbasarlarynyŋ nazaryn biudjettık qarjyny igeruge audardy.

Aldaǧy biudjettı sapaly josparlauǧa barlyq basşylar bırdei jauapty ekendıgın atap öttı. Äkım Memleket basşysynyŋ Qazaqstan halqyna Joldauynda aitylǧandai biudjet qarjysyn,  eŋ aldymen, halyqtyŋ tūrmysy men elordanyŋ infraqūrylymyn jaqsartuǧa jūmsap, osy saladaǧy jūmystardy joǧary deŋgeide atqarudy mındettedı.

Keŋeste elordany damytu mäselelerı söz boldy. Qalanyŋ qarqyndy damuy men keŋeiuın nazarǧa ala otyryp, Astananyŋ märtebesın bır retke keltıretın  zaŋǧa özgerıster men tolyqtyrular engızu kerektıgı söz boldy.

Sonymen qatar, Ä.Jaqsybekov Qūrylys basqarmasy bılım nysandaryn paidalanuǧa tapsyru merzımın jiı būzatynyn atap öttı.  Ötken jyly 3 jaŋa mekteptı paidalanuǧa beru josparlanǧan bolatyn, sonyŋ ışınde bügınge deiın sonyŋ tek bıreuı ǧana (№71 mektep) aşyldy. Qala basşysynyŋ aituynşa, būl olqylyq memlekettık organdar taraptarynan jüielı täsıldıŋ, monitoringtıŋ, özara ärekettıŋ jäne baqylaudyŋ bolmau saldarynan oryn alyp otyr.

– Bügınde bıreu qūrylys jürgızse, basqalary injenerlık jelıler tartuy kerek. Bıraq, ol uaqytyly jasalmai jatyr. Salynyp jatqan nysandardyŋ maŋaiyna kölıkpen de, jaiau da jolai almaisyŋ, – dedı qala basşysy.

Astana äkımı qala tūrǧyndarynyŋ ötınış-tılekterıne taǧy da tolyǧyraq toqtalyp öttı. Onyŋ atap ötuınşe, kelıp tüsken ärbır aryz-şaǧymǧa oryndauşylar bei-jai qaramai, bırınşı kezekte nazar audaruy tiıs.

– Elorda tūrǧyndarynyŋ mäselelerın qaǧaz jüzındegı şyǧarmaşylyqqa   ainaldyrudyŋ qajetı joq. Bızdıŋ basty maqsatymyz  – qala tūrǧyndarynyŋ ärbır mäselesın naqty şeşu, tek osylai ǧana halyqtyŋ senımıne kırıp, jaqsy basşy  bola alamyz,  – dedı ol.

Qolda bar aqparattarǧa süiensek, elordada jol-kölık oqiǧalary men tehnikalyq aqaulardyŋ oryn aluy jiı baiqalady. Biyl qazan aiynda ötken jyldyŋ säikes kezeŋımen salystyrǧanda jol-kölık oqiǧalary 83-ke ösken.

«Senbı künı, 22 qaraşada №43 baǧyttaǧy avtobus pen «KamAZ» markaly kölık soqtyǧysqan. Oqiǧa saldarynan 22 adam medisinalyq kömekke jügınse, 7 jan auyr jaraqatpen auruhanaǧa jatqyzyldy. Al, ainaldyrǧan bır aptada qoǧamdyq kölıktıŋ qatysuymen ekı apattyŋ boluy – dabyl qaǧarlyq jaǧdai.

Qala prokuroryna, IID bastyǧyna ıstıŋ män-jaiyn anyqtap, būdan bylai mūndai jäitterge jol bermeu üşın naqty şaralar qabyldaudy tapsyramyn» dedı Ä.Jaqsybekov. Sondai-aq, elorda äkımı qaladaǧy qylmystyq ahualǧa alaŋdauşylyq bıldırdı.

– Nazarlaryŋyzdy Almaty qala­synda bolǧan (granatanyŋ jaryluy – red.) jäne ülken alaŋdauşylyq tudyratyn jaitqa audarmaqpyn, – dedı ol.

Osyǧan bailanysty şahar bas­şysy qūqyq qorǧau organdaryn tarta otyryp, oquşylardy psiho­logiialyq tekseru, mektepterde jäne basqa da bılım beru mekemelerınde reviziia men aldyn alu jūmystaryn jürgızudı tapsyrdy.

Ötken aptada elorda äkımı qar qūr­saularyn tazartu üşın qosymşa jūmys küşı men tehnikany tarta otyryp, kün raiynyŋ qūbyluyna daiyn boludy tapsyrǧan bolatyn.

– Qar tazalau täsılı bäz baiaǧy qal­pynda. Tehnika būryn belgılengen, üirenşıktı, taptauryn baǧytpen  jüredı. Taŋerteŋ keibır köşelermen jüru mümkın emes. Jalpy, qar tazalau boiynşa merdıgerlık ūiymdardyŋ jūmysy qanaǧattanarlyqsyz, – dedı Astana äkımı.

Ötken aptada qala tūrǧyndarynyŋ ötınış-tılekterınıŋ basym bölıgı qoǧamdyq kölık jūmysyndaǧy aqaularǧa qatysty boldy. Avto­bustardyŋ  jüru jiılıgınıŋ ūzaqtyǧy, salonnyŋ lyqa tolatyny aitylǧan. Sol sebeptı, qala basşysy jolauşylar baǧyttarǧa jaŋa 36 avtobus şyǧarudy tapsyrdy.

Elorda äkımı jylumen, quatpen qamtamasyz etuşı kompaniialardyŋ basşylaryna elektr energiiasy men su berudı josparly ajyratularǧa qatysty qataŋ eskertu jasady. Ä.Jaqsybekov būl täsıl tötenşe jaǧdaimen bara-bar dei kelıp, mūndai jaǧdailardy boldyrmaudy, qysqa daiyndyq jūmystaryn köktem-jaz mausymynda jürgızudı tapsyrdy.

Keŋes qorytyndysy boiynşa barlyq tiıstı qūrylym basşylaryna tapsyrma berılıp, äkımdıktıŋ baqyluyna alyndy.