Ūlttyq akademiialyq kıtaphanada Qazaqstannyŋ halyq jazuşysy, Eŋbek Erı, körnektı memleket jäne qoǧam qairatkerı Äbış aǧamyzdyŋ nemeresı Abyl Kekılbaevpen kezdesu boldy.
Būryn auyldaǧy qariialar tektı adamnyŋ ūrpaǧyn körse «jaqsynyŋ közı ǧoi» dep aldynan qūraq ūşyp, syilap jatuşy edı. Mūnda qazaqy dästür men jaqsyǧa degen qūrmet jatyr. Bügınde asyldyŋ synyǧy Abyl QR İndustriia men infraqūrylymdyq damu ministrlıgınde jauapty qyzmette ısteidı. Elımızdegı aviasiia salasynyŋ damuyna üles qosyp jürgen täjıribelı maman.
Kezdesude talapty jas zamandastaryna jazuşy atasynyŋ ömırı men şyǧarmaşylyǧy turaly salmaqty oi örbıttı. Qabyrǧaly qalamgerdıŋ qyzyqty oqiǧalary men qanatty sözderın aityp berdı. Qazır Abyl atasynyŋ artyndaǧy qalǧan mūraǧatyna bas-köz bolyp, ony jūrşylyqqa nasihattaudy qolǧa alǧan. Biyl halyq jazuşysynyŋ tuǧanyna 80 jyl tolyp otyr. Alyp tūlǧanyŋ nemeresı osy baǧytta atqaryp jatqan öz josparymen bölıstı.
