Osy aptada Memleket basşysy Qasym-Jomart Toqaev Bışkekke resmi saparmen bardy. Qyrǧyz Respublikasynyŋ Prezidentı Sadyr Japarovpen şaǧyn formatta jäne keŋeitılgen qūramda saiasi, sauda-ekonomikalyq jäne mädeni-gumanitarlyq salalardy keŋeituge erekşe köŋıl böle otyryp, qazaq-qyrǧyz strategiialyq serıktestıgınıŋ auqymdy mäselelerın talqylady. Sonymen qatar aimaqtyq kün tärtıbındegı problemalar töŋıregınde äŋgımelestı.
Qasym-Jomart Toqaev pen Sadyr Japarov Qyrǧyzstan astanasyndaǧy «Teatr» gülzarynyŋ ortalyq alleiasyna qoiylǧan Ūly Abai eskertkışınıŋ aşylu saltanatyna qatysty. Memleket basşysy būl kündı qazaq pen qyrǧyzdyŋ ruhani ömırındegı erekşe kün retınde baǧalap, Bışkek törınde Abai eskertkışınıŋ boi köteruın qyrǧyz elınıŋ qazaq halqyna degen airyqşa qūrmetınıŋ belgısı dep atap öttı.
Qazaqstan Prezidentı bauyrlas Qyrǧyz Respublikasyna resmi saparmen keluge şaqyrǧany üşın Sadyr Japarovqa rizaşylyǧyn bıldırdı. «Men sızdıŋ şaqyruyŋyzdy zor rizaşylyqpen qabyl aldym. Būl sapardyŋ mänı erekşe. Osy maŋyzdy sapar elderımızdıŋ arasyndaǧy yntymaqtastyqtyŋ odan ärı damuyna zor serpın beretını sözsız. Sonyŋ arqasynda strategiialyq serıktestıgımız de nyǧaia tüspek. Qyrǧyzstan – Qazaqstanǧa barlyq jaǧynan eŋ jaqyn el. Ony kümänsız aituǧa bolady. Biyl ekı eldıŋ diplomatiialyq qatynas ornatqanyna 30 jyl tolyp otyr. Osy kezeŋde yntymaqtastyq aiasy barynşa keŋeiıp, dostyǧymyz nyǧaia tüstı. Bız barlyq deŋgeide özara senımge negızdelgen saiasi dialog ornattyq» dedı Qasym-Jomart Toqaev.
Ekı eldıŋ resmi delegasiialarynyŋ qatysuymen ötken keŋeitılgen qūramda kelıssözderde Qasym-Jomart Toqaev Sadyr Japarovtyŋ ekıjaqty qatynastardy jaŋa deŋgeige köteru jönındegı bastamasyn qoldaitynyn aitty. «Täuelsızdık kezeŋınen berı qazaq-qyrǧyz yntymaqtastyǧy barlyq salada qarqyndy damyp keledı. Osy bailanysymyz startegiialyq serıktestık jäne odaqtastyq ruhynda nyǧaia tüsude. Būǧan qos halyqqa ortaq qūndylyqtardyŋ arqasynda qol jetkızdık» dedı Prezident.
Memleket basşysy özara eksporttyq nomenklaturany keŋeitu, qazaq-qyrǧyz şekarasyndaǧy ötkızu mümkındıgın, sonyŋ ışınde kedendık räsımderge sifrlyq şeşımderdı engıze otyryp jaqsartu arqyly tauar ainalymyn ūlǧaitu mäselelerıne toqtaldy. Būdan bölek, Qasym-Jomart Toqaev oblystar men öŋırler arasyndaǧy keŋ auqymdy yqpaldastyqty jolǧa qoiudyŋ maŋyzdylyǧyn aityp, Qazaqstan men Qyrǧyzstan arasynda bırınşı Öŋıraralyq yntymaqtastyq forumyn tez arada ūiymdastyrudy ūsyndy. Ol özara tiımdı ūsynystardy zerdelep jäne perspektivtı jobalardyŋ tızımın jasai otyryp, investisiialyq yntymaqtastyqty jandandyruǧa şaqyrdy. Qyrǧyzstanda gidroenergetikalyq nysandy, atap aitqanda, Qambar ata GES-ın bırlesıp salu sonyŋ bırı boluy mümkın. Kelıssözder barysynda su diplomatiiasy, aqparattyq tehnologiia salasyndaǧy kooperasiiany nyǧaitu mäselelerı qarastyryldy. Mädeni-gumanitarlyq bailanystar bauyrlas ekı halyqtyŋ jaqyndai tüsuıne maŋyzdy üles qosady. Memleket basşysy Bışkek qalasynyŋ ortalyǧynda qazaqtyŋ ūly aqyny Abai Qūnanbaiūlynyŋ eskertkışın aşu jönındegı şeşımı üşın Sadyr Japarovqa alǧys bıldırdı. Qasym-Jomart Toqaev öz kezegınde Nūr-Sūltan qalasynda Manasqa eskertkış qoiylatynyn aitty. Qasym-Jomart Toqaev Qazaqstannyŋ segız joǧary oqu orny Qyrǧyzstanda ökıldıkterın aşuǧa niet bıldırıp otyrǧanyn atap ötıp, qyrǧyz studentterı üşın bölınetın kvotalardyŋ sany 50-ge deiın köbeigenın jetkızdı.
Qyrǧyzstan Prezidentı öz kezegınde ekıjaqty qatynastardyŋ qarqyndy damyp kele jatqanyn aitty. «Memleketterımız arasynda eşqandai saiasi qaişylyq joq. Eŋ bastysy – osy. Qyrǧyzstan men Qazaqstan küş bırıktıre otyryp, ekıjaqty bailanystardy odan ärı nyǧaitudy, sondai-aq aimaqtyq tūraqtylyq pen qauıpsızdıktı nyǧaitu üşın öŋıraralyq jäne halyqaralyq qūrylymdar aiasyndaǧy konstruktivtı yqpaldastyqty qamtamasyz etetını jönınde aiqyn tüsınık bar» dedı Qyrǧyzstan Prezidentı.
Qasym-Jomart Toqaev Qyrǧyzstanǧa resmi sapary aiasynda Sadyr Japarovpen bırge «Jahandyq özgerıster däuırındegı euraziialyq ekonomikalyq integrasiia. İnvestisiialyq belsendılıktıŋ jaŋa mümkındıkterı» atty taqyrypta ötken Euraziialyq ekonomikalyq forumnyŋ plenarlyq otyrysyna onlain-formatta qatysty. Qazaqstan Prezidentınıŋ Qyrǧyzstanǧa jasaǧan resmi saparynyŋ baǧdarlamasy Qasym-Jomart Toqaev pen Sadyr Japarovtyŋ Bışkekte äl-Farabi atyndaǧy Qazaq ūlttyq universitetı filialynyŋ aşylu räsımıne qatysuymen aiaqtaldy.
