Aqordada Elbasy Nūrsūltan Nazarbaev Qazaqstanǧa resmi saparmen kelgen Japoniia Premer-ministrı Sindzo Abemen kezdestı.
Kezdesu barysynda Nūrsūltan Nazarbaev S.Abenı Premer-ministr lauazymyna qaita sailanuymen qūttyqtap, qyzmetıne tabys tıledı. Prezidenttıŋ aituynşa, Qazaqstan men Künşyǧys elı arasyndaǧy qarym-qatynastyŋ tüp-tamyry tereŋde jatyr. Ekı eldıŋ arasyn jaqyndastyra tüsetın ortaq mäseleler de barşylyq. Atap aitqanda, qos memleket te iadrolyq qarudy synaqtan ötkızudıŋ qasıretın tartty. Bügınde jappai qyryp-joiu qarularyn taratpau, atom energetikasyn tek beibıt maqsatqa paidalanu – ekı eldıŋ de ortaq jobasy bolyp otyr.
– Elımızdıŋ täuelsızdıgı qalanǧaly bailanysymyz nyq ornyǧyp, ärıptestık qarym-qatynasymyz barlyq sala jaǧynan damyp keledı. Bız ärqaşan bır-bırımızdı qoldap kelemız. Jaŋa elorda – Astana qūrylysy japon arhitektory Kise Kurokavanyŋ bas jospary boiynşa salyndy. Osy jyldar ışınde Astana men Tokio senımdı serıktes retınde qalyptasty. Keleşekte de yntymaqtastyǧymyz arta beretınıne senım mol, – dedı Memleket basşysy.
Sindzo Abe Japoniianyŋ premer-ministrı bolǧan toǧyz jyl ışınde elımızge bırınşı ret kelıp otyr eken. Bügınge deiın Elbasy Nūrsūltan Nazarbaevpen türlı halyqaralyq şaralarda bırneşe ret kezdeskenın atap ötken Sindzo Abe ekı el arasyndaǧy jarasymdy bailanys belsendı türde damyp kele jatqanyn atap öttı. Premer-ministr özımen bırge ısker toptar ökılderınen tūratyn keŋ auqymdaǧy delegasiiany erte kelıptı. Qūramynda 100-den astam japon kompaniiasynyŋ ökılı bar delegasiia özara serıktestıktı keŋeitu mäselesınde ülken nätijelerge qol jetkızetınderıne senımdı.
Japoniia premerınıŋ Qazaqstanǧa resmi sapary aiasynda Astanada ekı el ıskerlerınıŋ qatysuymen biznes forum öttı. Qos tarap saiasat, ekonomika, aviasiia jäne ǧaryş, elektronika, maşina jasau, jyljymaityn mülık pen qarjy, äleumettık salalar töŋıregınde oi-pıkır almasty.
