Elordadaǧy «Jastar» saraiynda jūmyssyz azamattar, probasiia qyzmetınıŋ esebınde tūrǧan, bas bostandyǧynan aiyru oryndarynan bosatylǧan adamdar jäne aliment boiynşa boryşkerler üşın jalpy qalalyq bos oryndar järmeŋkesı öttı
Azamattardy bos jūmys oryndaryna jūmysqa ornalastyru maqsatynda ötkızılgen būl jolǧy järmeŋke jūmysyna elordanyŋ 54 jūmys beruşısı qatysyp, onda 1300-den astam bos jūmys oryndary ūsynyldy.
Jalpyqalalyq järmeŋkege 450-ge juyq jūmys ızdeuşı qatysty.
Sondai-aq, 9 jūmys beruşı, atap aitsaq «Astana-Teplotranzit» AQ, «Green tal» JŞS, «Meirım-M» JŞS, «Elektrovoz Qūrastyru Zauyty» JŞS, «Basqaru Kolledjı» JŞS, Nūr-Sūltan qalasy äkımdıgınıŋ ŞJQ MKK «Servis jäne turizm kolledjı», ŞJQ MKK «Joǧary medisinalyq kolledjı» probasiia qyzmetınıŋ esebınde tūrǧan jäne bas bostandyǧynan aiyru oryndarynan bosatylǧan adamdardy jūmysqa ornalastyru üşın 197-den astam bos jūmys oryndaryn ūsyndy.
Järmeŋke arqyly jūmys tabuǧa niettı azamattardyŋ basym bölıgı eŋbekke endı aralasatyn jas mamandar bolsa, keibıreulerı tūrmystyq jaǧdaiǧa bailanysty jūmys orynyn auystyrudy közdeidı.
– Öz basym biyl kolledj bıtırgenmın. Bırınşı ret jūmys ızdep jürmın. Alǧaşqy kezde ärtürlı memlekettık emes mekemede jūmys ıstep kördım. Jalaqysy joǧarylau bolǧanymen, onda jūmystyŋ tūraqsyz ekenıne közım jetken soŋ, järmeŋkege keldım. Yŋǧaily ärı mamandyǧym boiynşa jūmys tapqanyma quanyp tūrmyn. Aldaǧy uaqytta osyndai järmeŋkeler jiı ūiymdastyrylyp tūrsa, jūmysssyz jürgen jastar azaiar edı dep oilaimyn, – dedı elordalyq Aidos Maqsatūly.
Jūmys beruşıler qatarynda qalalyq Halyqqa qyzmet körsetu ortalyǧy da boldy. Osy ortalyq 5 baǧyt boiynşa bos jūmys oryndaryn ūsyndy. Mäselen, «Azamattarǧa arnalǧan ükımet» memlekettık korporasiiasy» Nūr-Sūltan qalalyq filialynyŋ ökılı elordadaǧy ortalyqtarǧa 50 adam jetıspeitının atap öttı.
Bos oryndar järmeŋkesıne Nūr-Sūltan qalasy Prokuraturasynyŋ, Jūmyspen qamtu jäne äleumettık qorǧau basqarmasynyŋ, Ädılet departamentınıŋ jäne Qylmystyq-atqaru jüiesı departamentınıŋ ökılderı qatysty.
Qalalyq Jūmyspen qamtu jäne äleumettık baǧdarlamalar basqarmasynyŋ jūmys beruşılermen özara bailanys jasau bölımınıŋ basşysy Baqyt Raqyşevanyŋ aituynşa, jyl soŋyna deiın älı däl osyndai 8 bos oryndar järmeŋkesı ūiymdastyrlady jäne 28 myŋ jaŋa jūmys orny qūrylady.
