«EKSPO-2017» halyqaralyq mamandandyrylǧan körme aiasynda Qostanai oblysynyŋ auylşaruaşylyq järmeŋkesı öttı. Järmeŋkege Astana qalasynyŋ äkımı Äset İsekeşev pen Qostanai oblysynyŋ basşysy Arhimed Mūhambetov qatysty.
Qostanai oblysy äkımınıŋ bırınşı orynbasary Ǧauez Nūrmūhambetovtyŋ aituynşa, oblystyŋ 3 qalasy men 11 audanynan 50-den astam käsıporyn auylşaruaşylyq önımderın äkelgen.
– Jalpy, järmeŋkede 650 tonna auylşaruaşylyq önımderı satyldy. 100-ge juyq atauly
tauar satylymǧa qoiyldy. 33 tonna et, 90 tonna süt önımderı, 52 tonna şūjyq pen et önımderı, 57 tonna nan men konditerlık önım, 200 myŋ dana jūmyrtqa, 93 tonna ūn jäne basqa da azyq-tülık türlerı bar. Baǧasy Astana bazarlarymen salystyrǧanda bırşama arzan. Şyny kerek, Astanada Qostanai önımıne degen sūranys öte joǧary. Öitkenı bız tek qana tabiǧi taza tauar alyp keldık. Sondyqtan da bızdıŋ önımderımızdı asyǧa kütıp jürgen tūtynuşylar jeterlık dep oilaimyn, – dedı Ǧauez Torsanūly.
Astanalyqtar «Qazaqstan» sport keşenınıŋ janynda ornalasqan järmeŋkeden özderıne qajettı ärtürlı önımderdı satyp aldy. Ermek Qasenūlynyŋ aituynşa, järmeŋkedegı baǧa naryq baǧasynan qaraǧanda äldeqaida arzan.
– Ekı aptada bır ret osynda kelıp, auylşaruaşylyq önımderın satyp alamyn. Öitkenı mūndaǧy baǧa köŋılımnen şyǧady. Mäselen, qaladaǧy bazarlarda jylqy etı 1600-1700 teŋge bolsa, järmeŋkede – 1500 teŋge. Sondai-aq, kartopty – 100, juany – 130, säbızdı 120 teŋgeden satyp aldym. Al bazarda atalǧan önımderdıŋ baǧasy 20-30 teŋge qymbat. Bız siiaqty zeinetker üşın järmeŋke köp kömek bolyp otyr. Soŋǧy kezderı qymbatşylyq qysyp kettı ǧoi. Osyndai qiyn-qystau zamanda järmeŋkenıŋ öz järdemı tiıp jatyr, – deidı aqsaqal.
