Elordalyq Tılderdı damytu basqarmasy «Körnekı aqparat – nasihat qūraly» taqyrybynda ıs-täjıribelık seminar ūiymdastyrdy. Oǧan qalalyq memlekettık säulet jäne qūrylys baqylau, käsıpkerlık jäne önerkäsıp basqarmalarynyŋ ökılderı, sauda ortalyqtary men jarnama agenttıkterınıŋ direktorlary qatysty.
Şara barysynda syrtqy jäne ışkı jarnamany sauda nysandarynda ornalastyruǧa bailanysty söz boldy. Jarnamaǧa tapsyrys beruşıler men oryndauşylarǧa Qazaqstan Respublikasynyŋ tıl turaly zaŋnamalaryndaǧy talaptary tüsındırıldı. Sondai-aq, syrtqy jarnama men körnekı aqparat mätınderınde kezdesetın qatelerdıŋ aldyn alu mäselelerı talqylandy.
Jiynda aldymen söz alǧan belgılı qoǧam qairatkerı Orazgül Asanǧazy memlekettık tıldıŋ märtebesı jaiynda keŋırek parasatty oi örbıttı.
– Bügın öte bır jaqsy seminar ötıp jatyr. Būǧan qaladaǧy jarnama beruşıler men oryndauşylar şaqyrylypty. Dūrys dep esepteimın. Baiqasaq, aǧylşyn men orys tılınde jazylǧan jarnamada qate bolmaidy. Qate memlekettık tılde kezdesedı. Būl – köpten berı aitylyp kele jatqan mäsele. Bız – älem tanyǧan elmız. Bärı de moiyndady. Endı bız özımızdı tärbieleuımız qajet. Barlyq Qazaqstan azamaty memlekettık tıldı qūrmetteu kerek. QR Tılder turaly zaŋynyŋ 21-babynda jarnama aldymen memlekettık tılde, sodan keiın orys tılınde jazylady dep taiǧa taŋba basqandai körsetılgen. Al köşede ılıngen köp jarnamalar qazaq tılınde jazylmaidy. Mūny sūraityn uaqyt jettı, – dedı tıl janaşyry.
Odan keiın QR Prezidentınıŋ janyndaǧy Memlekettık basqaru akademiiasynyŋ «Memlekettık basqaru jäne memlekettık qyzmet» kafedrasynyŋ dosentı Nūrzada Mahambetūly jergılıktı qūqyqtyq aktıler sapasy turaly söz qozǧasa, ǧalym Bekjan Äbdualiūly «Körnekı aqparat jäne qazırgı onomastika mäselelerı» taqyrybynda baiandama jasady. Filologiia ǧylymdarynyŋ kandidaty Omar Jälel «Tıl jäne ūlttyq dünietanym» baǧytynda oi saraptady. Seminar emın-erkın pıkırlesu jaǧdaiynda öttı. Jinalǧandar özderın tolǧandyrǧan mäselelerdı ortaǧa saldy. Bır qatysuşy qaladaǧy päter ielerı kopperativterınıŋ memlekettık tılge nemqūraily qaraitynyn söz ettı. Qysqasy, maǧynaly şaradan ana tılımızde jazylatyn jarnama jabyrqamasa eken degen oi tüiıp qaittyq.
Azamat ESENJOL
