Astanada qalanyŋ dizain-kodyna säikes kelmeitın 870 jarnamalyq element özgertıldı. Jalpy elordada 2019 jyly bekıtılgen elordanyŋ dizain-kodyna säikes syrtqy jarnama men maŋdaişalardy retke keltıru boiynşa belsendı jūmys jürıp jatyr.
Mūndai zaŋ būzuşylyqtardy joiu üşın şaǧyn jäne orta biznes ielerıne syrtqy jarnamany säikestendıru turaly habarlamalar taratylady. Elordanyŋ urbanistika ortalyǧy mūndai syrtqy jarnama qalanyŋ körkın būzyp, kelbetıne nūqsan keltıredı. Mysaly, «Körkem» tūrǧyn üi keşenınde köptegen käsıpker özderıne qarasty ǧimarattardyŋ qasbetın retke keltırudı jön sanaidy. Olar dizain kodqa säikes kelmeitın jarnamalar qalanyŋ jalpy körınısı men üidıŋ körınısın būzady dep sanaidy. Astana qalasynyŋ urbanistika ortalyǧy maŋdaişalar boiynşa 130 eskizdık ūsynys äzırledı, syrtqy jarnama boiynşa 40-tan astam saual pysyqtaldy. Maqsat – syrtqy jarnamalardy retke keltıru, bırtūtas jäne tartymdy ortany qūru, sonymen qatar vizualdy şudy joiu. Būl jūmys qalanyŋ barlyq audanynda jürgızıledı.
