Qoǧamdyq densaulyq saqtau basqarmasynyŋ bırınşı jarty jyldyqty qorytyndylauǧa arnalǧan alqa otyrysynda basqarma basşysy Qamaljan Nadyrov atqarylǧan jūmystar jaiyna esep berdı.
Densaulyq saqtau salasyn sifrlandyru Keŋestıŋ özektı mäselelerdıŋ bırı retınde qaraldy. Basqarma basşysynyŋ mälımetı boiynşa bügınde barlyq medisinalyq ūiym 100 paiyz internet jelısıne qol jetkızgen.
Barlyq vedomstvolyq medisinalyq ūiymdarda medisinalyq aqparattyq jüieler ornatylǧan. Barlyq personal – būl 8 myŋnan astam adam kompiuterlık sauattylyqqa jäne medisinalyq aqparattyq jüieler jūmysyna oqytyldy, – dedı Qamaljan Nadyrov.
Qūjattardy sifrlandyru nätijesınde 780 myŋnan astam medisinalyq qūjat elektrondyq formatqa auystyrylyp, osylaişa astanalyqtardyŋ 93 paiyzy elektrondyq densaulyq pasportyn aldy.
Qalamyzda bala tuu körsetkışı de joǧarylap keledı. Osy jarty jyldyqta 13 974 säbi düniege kelgen, ötken jyldyŋ osy merzımımen salystyrǧanda tuu körsetkışı 360 säbige artqan. Osy aralyqta 60 myŋ syrqat jan tegın därı-därmekpen qamtylyp, ötken jyldyŋ osy mezgılımen salystyrǧanda 10 myŋ janǧa artqan.
Elorda medisina salasynyŋ kemşın tūstary da jeterlık. Memlekettık baǧdarlamanyŋ 36 körsetkışınen ana ölımı, qaterlı ısıkpen syrqat jannyŋ bes jyldyq ömır ūzaqtyǧy, qaterlı ısıkten ölım-jıtım, tuberkulezden ölım-jıtım boiynşa körsetkışterı tömen.
Otyrys soŋynda Astana qalasy äkımınıŋ orynbasary Ermek Amanşaev elordalyq emhanalar men auruhanalar boiynşa aitylǧan eskertulerdı joiu boiynşa bırqatar naqty şaralar qabyldaudy ūsyndy.
